Edi Rama dështon edhe në Tiranë/ Tironsit nuk e duan, fitore publicitare e Lali Erit!
Me polici dhe ushtri, me përdhunim dhe keqtrajtim të administratës shtetërore, simboli i punës qeverisëse të Edi Ramës, i cili ndryshoi kryeqytetin, arriti të sjellë ujin në rubinetat e shqiptarëve sa hidraulikët nuk arrinin ti riparonin, realizoi reformën më të madhe në pastrimin e qytetit dhe i vuri në siklet ata që shisnin pemë dhe pisha sepse nuk kishin aq sa Kryetari i Bashkisë po mbjellte nëpër Tiranë, sot dëshmoi ashtu siç thoshte homologu u tij tepelenas, Lali Eri ka korrur vetëm fitore publicitare.
Pas përfundimit të numërimit të votave në Tiranë, sipas KQZ-së së Denar Bibës, Erion Veliaj ka marrë 152.230 vota ose 8.005 vota më pak se në vitin 2015 kur kishte 160.235 vota.
Për ata që e ngushëllojnë Lali Erin dhe e gënjejnë opinionin shqiptar se në vitin 2015 ishte edhe LSI, ky rezultat vjenë pas terrorit mediatik të Lali Erit, ku më shumë kishte kronika për Erjonin se sa për gjithë politikën shqiptare, dhe ajo që është më e rëndësishmja u rrëzua edhe miti i këtij kryebashkiaku të dështuar, se Lulzim Basha u zgjodhë Kryetar i Bashkisë Tiranë falë votave të pavlefshme.
Meqë shifrat janë kokëforta, duhet kujtuar këtij mashtruesi që gënjen gjithë dynjanë, se në vitin 2015, në garën për Kryetar të Bashkisë Tiranë ishin 5.362 vota të pavlefshme nën syrin vigjilent të Ambasadorit amerikan Arvizu, sot nën syrin kriminal të Denar Bibës, zyrtarisht janë 10.740 vota të pavlefshme dhe Lali Eri nuk fitoi; Sa janë në të vërtetë, këtë vetëm Lali Eri e din, se ky edhe Zotin e mashtron!
Në fund, kur Termet Peçi nga Tepelena tha se kishte korrur “fitore publicitare” të gjithë po qeshnin me këtë analfabet funskional. Por duke pasur parasysh mënyrën e vetme si fiton kryetari i tij Edi Rama, kjo parti vetëm fitore publicitare mund të korr.
E tillë ishte edhe fitorja e Erion Veliajt, që mori 152.230 vota kundër Aleatit të tij, Arben Skenderaj i cili u rendit i treti me 9. 364 vota, ndërkohë administrata e keqtrajtuar nga socialistët u rendit e dyta duke i përgatitë një dhuratë për këtë pëdhunim të pashembullt me 10.740 vota.
