KPD kriminale, versioni i ri/ Ilir Meta zbërthen Edi Ramën!
Presidenti Ilir Meta sot doli në një konferencë të jashtëzakonshme e cila më shumë i ngjante KPD-së së famshme kur fluturonin mikrofonat nga grushtet e Edi Ramës, por me këtë versionin e ri, Kryeministrit i doli një bir k… që tregon se kush është në fakt njeriu që nga viti 2000, gënjen, krijon kriza dhe e bënë vendin pis!
Prej sot nuk ka më të panjohura për mënyrën e ardhjes së Edi Ramës në pushtet, këtë e bëri të qartë edhe bashkëpunëtori i deridjeshëm Ilir Meta që sot është i shqetësuar, madje ishte e qartë se ndjehej i kërcënuar, dhe duke rrëfyer në detaje në fillim kishte mesazhin për Kryeministrin dhe Sorosin, ndërsa i bëri të qartë se kot mundohet që ta arrestoj sepse ai nuk është Nikolla Gruevski por Avni Rustemi
“Unë dhe shqiptarët do ta mbrojmë vendin nga ata miliarderë që u duket Shqipëria një mizë lisi që mund të tallen si të duan. Kam dy fjalë për miliarderin Soros, ju uroj jetë të gjatë, suksese dhe të birit që vjen shpesh në Shqipëri, ti gëzojë miliardat; Ilir Meta nuk është i racës së Gruevskit është presidenti i vendit dhe i del për zot vendit, Jam i racës së tipit Avni Rustemi, Mic Sokolit, Vojo Kushi. Po qesh “kushërira” ime, Ambrozia, jam i gatshëm të bëj testin e shëndetit mendor, dhe pas kësaj krize duhet të vëmë në kushtetutë testin e shëndetit mendor, dhe jam gati të bëj edhe testin e drogës, kurse për testin e shqiptarit e dinë ata që e kam bërë e do ta bëj në cdo kohë.”
Por Ilir Meta kishte dalë për të rrëfyer për shumë gjëra sot, meqë nuk përdor drogë nuk godiste me grushte foltoren ama tha se ishte ai që e zgjidhi krizën të cilën e krijoi Edi Rama kur ishte në opozitë dhe nuk donte të hynte në zgjedhje.
“Unë jam socialist i vjetër, socialistet janë njerëzit që kanë bërë më shumë për demokracinë që të jemi të vërtete.
Nuk i kërkoj Edit që të lërë karrigen, por përballë është një njeri që ka ofruar edhe dorëheqjen jo vetëm kaq, kam qenë i hapur të zgjidhem edhe nga populli, pse të kemi frikë, nuk na do nuk na voton, nuk do asgjësojmë demokracinë.
Unë dhashë dorëheqjen vetëm për një arsye për të mos cenuar integrimin evropian të vendit, se Raporti i OSBE ODIHR thoshte se socialistët kanë legjitimitetin për të qeverisur vendet por jo për të zgjedhur presidentin me 84 vota, se u bë dushku.
Këto mesazhe janë dhënë të qartë pavarësisht se Edi e thotë jo ashtu, dhe përpjekje për ndërmjetësim ka pasur.
Nuk ka hallin e precedentit, jo mo jo, nuk e kanë, atëherë nuk donte të futej, se tha do ma fusë prapë Saliu, krizën e kam zgjidhur unë, unë kisha dhënë fjalën te ca ndërkombëtar serioz atëherë, te ambasadori gjerman, që ma tha ky nuk hyn në zgjedhje, hyni ju, unë i thashë po nuk hyri ky jo, i thashë, Edi ke frikë ti hyj unë për kryetar bashkie ti bëhu gati për Kryeministër.”
E pranoi se kishte ca kohë që nuk kishte shkëmbyer SMS me Kryeministrin, por ai lexoi publikisht një SMS shokuese të cilin e kishte marrë kohë më parë:
“Po të isha këtu besoj se opozita nuk do i braktiste mandatet por isha në Gjermani, ose LSI nuk do i bënte, shpirti im e di, se ca kam hequr unë për të shpëtuar LSI nga asgjësimi i marrëveshjes së 17 majit.
Ça më shkruan ky (Rama), nuk e kam zakon por do i nxjerrim mesazhet. Më 18 shkurt me shkruan: Lulit i kam shkuar në fund të 2017 se pas zgjedhje lokale nuk do jetë kryetar partie, ndërsa ty po të shkruaj se pasi të mbarosh mandatin si President nuk do gjesh më gjurmë LSI. Pra i vjen keq edhe për mua edhe Lulit, mua kur nuk më erdhi keq për ditët e mia në PS në ditët e mia më të zeza, që Edi i gjuante me gurë, e bënte pis atë, nuk më vjen keq as për LSI se e bëra për të dhënë mundësi të rinjve si Gjosha, Panariti, Mehmeti të bëjnë diçka të mirë për vendin.”
