Ky është rusi që rrëzoi aeroplanin e Malaysia Airlines me 298 pasagjerë

Një grup i hetimeve online, ka deklaruar sot se kanë identifikuar një zyrtar të dytë ushtarak rus që kishte dorë në rrëzimin e fluturimit MH17 në Ukrainën lindore në 2014.

Sipas Bellingcat, hetimet të çojnë tek Oleg Ivannikov, i cili vepronte nën emrin e kodit Orion.

Ivannikov ishte përgjegjës për forcat e armatosura në ‘republikën popullore të Lugansk’, një zonë e mbajtur nga rebelët në Ukrainën lindore.

Bisedat telefonike dhe prova të tjera kanë bërë që Bellingcat të konkludojë se ai ishte i përfshirë drejtpërdrejt në lëvizjen e sistemit të raketave Buk në dhe nga Ukraina.