Jo vetëm vjedhin vota/ Krimi kërcënon me jetë Kryetarin e KQZ-së dhe familjen e tij

Që Qeveria menaxhon zgjedhjet me botën e krimit këtë e konfirmuan përgjimet e publikuara nga gazeta gjermane “Bild”, që krimi nuk ka kufijë këtë e konfirmon rasti i fundit i kërcënimit të Kryetarit të KQZ, Klement Zguri dhe familjes së tij.

Kryetari i KQZ, Klement Zguri, vërtetë mori guximin dje dhe kërkoi hetim për parregullsitë që u shfaqën në zgjedhjet e Edi Ramës më 30 Qershor, por edhe pse kjo kërkesë ishte publike dhe u rrëzua nga katër anëtarët e Partisë Socialiste, pas kësaj kërkese, ata që vjedhin vota për llogari të Partisë Socialiste, shihet qartë që kanë kurajon edhe të kërcënojnë.

Sot në KQZ kanë shkuar drejtuesit e lartë të Gardës e Policisë të cilët kanë marrë dëshminë e Klement Zgurit

Mësohet se meqë “kërcënimet janë shumë serioze”, Klement Zguri është marrë në mbrojtje nga një numër i lartë efektivesh të Gardës së Republikës, të cilët ndodhën në zyrën e tij, por edhe në ambientet e Komisionit Qendror të Zgjedhjeve. Po ashtu mësohet se edhe familja e Klement Zgurit është marrë në mbrojtje nga forcat e rendit.

Ndryshe, përveç kërkesës së djeshme për hetim, Kelemnt Zguri ishte kundër realizimit të zgjedhjeve të 30 Qershorit, pasi Presidenti i Republikës e anuloi përmes Dekretit i cili u publikua në Fletoren Zyrtare.

Ndërsa ndërhyrja e krimit në këto zgjedhje vjen pas përgjimeve të publikuara në gazetën gjermane “Blid” ku ansjëri prej protagonistëve kriminal nuk u spostua nga Partia Socialiste. Dhe jo vetëm kaq! Ministri Damian Gjiknuri i cili menaxhonte lekët për blerjen e votës dhe çunat problematikë nëse dikush refuzon të shes votën, më 30 Qershor i ka shërbyer Kryeministrit në zonën e tij elektorale.