Hidhet në erë memoriali i terroristit grek, Thimio Loli

Është hedhur në erë me tritol memoriali i terroristit grek, Thimio Loli, në fshatin Kranë të Finiqit, nga persona të paidentifikuar.

“Më datë 23.07.2019, në orët e para të mëngjesit në fshatin Krane, Bashkia Finiq dyshohet se është dëmtuar pjesërisht me lëndë plasëse Memoriali i Thimio Lolit,” raportoi policia.

Kjo është hera e dytë që memoriali i terroristit grek, Thimio Loli është sulmuar. 

Ndryshe, Thimio Loli ka marrë pjesë në masakrat ndaj shqiptarëve në vitin 1914, kur udhëhoqi kryengritjen për Epirin e Veriut në Sarandë, ashtu sikurse edhe në vitin 1944 kundër çamëve në Greqi.

Pranë memorialit të terroristit grek, çdo vit vijnë shumë bashkëkmendimtar të tij për ta nderuar nën flamurin e të ashtuquajturit “Vorio Epir”.