Theresa May mbanë fjalimin e fundit si kryeministre

Pas zgjedhjes së Kryetarit të ri i Partisë Konservatore, Boris Johnson, Theresa May ka mbajtur sot fjalimin e fundit si kryeministre e Britanisë .

Ajo ka uruar kryeministrin dhe qeverinë e re duke thënë se “suksesi i tyre do të jetë edhe sukses i shtetit tonë”.

Më herët, ajo u është përgjigjur për herë të fundit pyetjeve të ligjvënësve britanikë dhe më pas është nisur drejt Pallatit Buckingham për të dhënë dorëheqje edhe formalisht para Mbretëreshës Elizabetë.

Më 7 qershor, Theresa May bëri të ditur se do të largohet nga pozita e lideres së Partisë Konservatore në Britani, duke i hapur rrugën procesit të zgjedhjes së kryeministrit të ri.

May është përballur me presion të madh nga partia e saj për t’u larguar nga pozita që ka, pasi plani i saj për largim të Britanisë nga Bashkimi Evropian ka dështuar të miratohet në Parlamentin britanik.

Vendimi për Brexit ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016.