Gazetarët e “Sputnikut” të varfër dhe në depresion

Gazetarja e Agjencisë ruse të Vladimir Putinit, “Sputnik” në Serbi, Brankica Ristiç, e njohur për shkrimet dezinformuese për Kosovën, tashmë gjendet në depresion të thellë.

Një kohë të gjatë jeton në varfëri, kurse të ardhurat që i merr si gazetare nuk i mjaftojnë për të dalë nga kjo gjendje. Tashmë, gazetarja Ristiç, e cila disa herë ka vizituar Kosovën, në profilin e saj në Facebook ka postuar një gjë të dhimbshme:

“Kur nuk e ke askë. Nuk i duhesh askujt, kurse për veten tënde je i parëndësishëm, atëherë a ekziston?”.

Gazetarja e Putinit në Serbi, sipas fotografive në Facebook, shihet se jeton një jetë të vështirë. Kushtet ekonomike i ka jashtëzakonisht të vështira, dhe ka kohë që reflekton se ka probleme shëndetësore dhe të demoralizimit.

Brankica Ristiç është e pamartuar, kurse para dy vjetësh humbi edhe dy anëtarët e vetëm të familjes: nënën dhe vëllain. Tashmë vuan nga hipertensioni, kurse dihet se gazetarët e Sputnikut janë në aktivitet të shtuar pune. Sputnik nuk ka shumë gazetarë në redaksi ndërsa ata pak që janë duhet që të bëjnë shumë punë.

Ajo në Sputnik është e angazhuar që nga viti 2015, kurse sipas të gjitha gjasave ka të ardhura minimale. Është e njohur për shkrimet njollosëse në raport me Kosovën dhe gjithashtu shquhet edhe për nivelin e ulët arsimor e profesional.

Gazetarët e Sputnikut ka kohë që nuk paguhen si më parë, raporton RTK. Shumë gazetarë në Serbi në fillim u joshën që të punojnë në këtë agjenci ruse të lajmeve, por tashmë gjendja ka ndryshuar, dhe Brankica është nga të rrallat që shprehet për gjendjen e saj.