Sulm me armë/ New York, 1 i vdekur, 11 të plagosur

Të paktën një person ka vdekur dhe 11 të tjerë janë plagosur nga një sulm me armë në New York, SHBA.

Zëdhënësi i policisë ka sqaruar se të shtënat me armë kanë nodhur gjatë eventit “Old Timers Day” në një park në Brooklyn.

Një i plagosur 38 vjeç nuk u mbijetoi plagëve ndërsa 6 të plagosur të tjerë janë në rrezik për jetën.

#Brooklyn Shooting: 12 Injured and One Dead.#brooklynshootinghttps://t.co/qxBhXurqZs pic.twitter.com/qgB2FgCJMd

— WhereistheBuzz (@whereisbuzzzzzz) July 28, 2019

Policia ende nuk ka dhënë detaje ndërsa Kryebashkiaku i New Yorkut, Bill de Blasio përmes rrjetit social Twitter duke shprehur keqardhje për këtë ngjarje, premtoi siguri për të gjithë.

Ndryshe, dyshohet se dy agresorët që tashmë janë në kërkim, arritën të hyjnë brenda festës dhe të hapin zjarr pavarësisht se në event ishin angazhuar më shumë se 100 policë.

“Old Timers Day” është një koncert që zgjat dy ditë dhe çdo vit mblidhen miliona pjesëmarrës nga e gjithë bota.