Ambasadori Borchardt takim me Voltana Ademin: 30 Qershori, Raporti i OSBE/ODIHR, kërkesa…

Ambasadori i OSBE në Shqipëri, Bernd Borchardt sot në një takim për rreth dy orë me kryetaren në detyrë të Bashkisë Shkodër, Voltana Ademi kanë diskutuar për situatën aktuale politike në vend, gjetjet e raportit paraprak të OSBE/ODIHR për procesin e 30 qershorit, kërkesën në Gjykatën Kushtetuese nga Shoqata e Bashkive të Shqipërisë si dhe përzgjedhjen e Shkodrës nga OSBE ndër 61 bashkitë në vend për për mbështetjen e qëndrueshmërisë të administratës publike.

Në përfundim të takimit, Ambasadori Borchardt nuk preferoi te komentojë vetëm se e cilësoi si “një takim i zhvilluar prej dy orësh, ku jane diskutuar shumë gjëra” ndërsa i pyetur nëse ishte dikutuar rreth zgjedhjeve vendore të 30 Qershorit ai ishte i prerë:

“Natyrisht që po!”

Ndërsa Voltana Ademi ka bërë të ditur se me Ambasadorin e Prezencës së OSBE-së në Tiranë, Bernd Borchardt kanë diskutuar rreth aktualitetit politik në vend, problematikat e gjetjet e raportit paraprak të OSBE/ODIHR për procesin e 30 qershorit, kërkesa e paraqitur në Gjykatë Kushtetuese nga Shoqata e Bashkive të Shqipërisë si dhe për situatën që ka pasuar votimin e 30 qershorit.

“Në kuadër të projektit të bashkëpunimit, Prezenca e OSBE-së në Tiranë, ka përzgjedhur Bashkinë e Shkodrës ndër 61 bashkitë në vend për për një projekt të ri për mbështetjen e qëndrueshmërisë të administratës publike,” thekson Kryetarja e Bashkisë Shkodër, Voltana Ademi përmes rrjetit social Facebook duke shprehur gatishmërinë personale dhe të administratës së Bashkisë se Shkodres për të qenë pjesë e këtij projekti me një rëndësi të veçantë, jo vetëm për administratën por edhe zhvillimin e qytetit të Shkodrës.

Deklarata: 

Kryetarja e Bashkisë së Shkodrës zj. Voltana Ademi, ka pritur në një takim ambasadorin e Prezencës së OSBE-së në Tiranë z. Bernd Borchardt.

Gjatë takimit që zgjati rreth 2 orë, janë diskutuar tema të aktualitetit politik në vend, problematikat e gjetjet e raportit paraprak te OSBE/ODIHR për procesin e 30 qershorit, kerkesa e paraqitur ne Gjykatë Kushtetuese nga Shoqata e Bashkive të Shqipërisë si dhe për situatën që ka pasuar votimin e 30 qershorit.

Në kuadër të projektit të bashkëpunimit, Prezenca e OSBE-së në Tiranë, ka përzgjedhur Bashkinë e Shkodrës ndër 61 bashkitë në vend për për një projekt të ri për mbështetjen e qëndrueshmërisë të administratës publike, Kryebashkiakja Ademi shprehu gatishmërinë personale dhe të administratës së Bashkisë se Shkodres për të qenë pjesë e këtij projekti me një rëndësi të veçantë, jo vetëm për administratën por edhe zhvillimin e qytetit të Shkodrës.