“Kaos Urban”/ Rama mburret me vijat, makinat parkohen në rrugë!

Kryeministri Edi Rama nuk është vetëm drejtues i keq i Qeverisë, shihet qartë se është dhe administrator i keq qoftë edhe një komune të vogël ose Njësie Administrative siç e ka pagëzuar Çuçi me Reformën e tij territoriale, si Golemi.

Mëngjesin e sotëm Kryeministri Edi Rama e filloi duke u mburrur me Programin Kombëtar të Rilindjes Urbane, dhe për të konfirmuar akuzat për këtë projekt kriminal kontribuon pa dashje edhe vet:

“Vazhdon çdo natë edhe gjatë sezonit veror, sistemimi i rrugëve dhe vendosja e ndriçimit në zonën turistike të Shkëmbit të Kavajës, ku katrahurës, pluhurit, errësirës, xhunglës 30-vjeçare të ndërtimeve pa hesap përgjatë brezit bregdetar, po i ze vendin hap pas hapi, një rrjet normal infrastrukture falë Programit Kombëtar të Rilindjes Urbane,” thekson përmes rrjetit social Facebook Edi Rama në vend se ti bëjë një telefon Sandër Lleshajt për makinat që shihen në foto dhe janë burim aksidenti, dhe, këtu vijat nuk ndihmojnë:

“Gur gur bëhet muri dhe mur mur bëhet kalaja, thotë Populli, paçka se të kërkosh sot durim, pas aq shumë vitesh të shkuara mbrapsht, duke i’a futur kot e shkatërruar medemek për të ndërtuar, është si të kërkosh ujë në shkretëtirë,” mendon Edi Rama duke konfirmuar edhe një herë se vija-vija nuk bëhet Programi Kombëtar i Rilindjes Urbane; E ata që e kanë vizituar qoftë edhe një herë këtë zonë turistike, problem kryesor e kanë pasur si të kalojnë sepse makinat parkohen kudo, edhe në mes të rrugës.

Ata që mund të acarohen tek Shkëmbi i Kavajës, ose kudo përgjatë vijës bregdetare në Shqipëri, duhet ta kenë të qartë se Rilindja Urbane mendon për pamjen estetike por jo për zgjidhjen e problemit urban. Në çdo zonë turistike shqiptare, ishte dhe mbetet problem parkimi i makinës. Aty ku ka vënë dorë Rilindja Urbane, po, ka vija. Dhe vetëm kaq!

A duhen vijat?! Patjetër që duhen, por kur ka rrugë dhe jo si kjo, ku nuk ke ku të kalosh as me makinë por as në këmbë sepse makinat janë në rrugë dhe trotuare edhe pse rruga është rilindur:

Ja statusi i plotë:

Vazhdon çdo natë edhe gjatë sezonit veror, sistemimi i rrugëve dhe vendosja e ndriçimit në zonën turistike të Shkëmbit të Kavajës, ku katrahurës, pluhurit, errësirës, xhunglës 30-vjeçare të ndërtimeve pa hesap përgjatë brezit bregdetar, po i ze vendin hap pas hapi, një rrjet normal infrastrukture falë Programit Kombëtar të Rilindjes Urbane?

Gur gur bëhet muri dhe mur mur bëhet kalaja, thotë Populli, paçka se të kërkosh sot durim, pas aq shumë vitesh të shkuara mbrapsht, duke i’a futur kot e shkatërruar medemek për të ndërtuar, është si të kërkosh ujë në shkretëtirë?

#ShqipëriaqëDuam☀️??