E prenë në fyt dhe e hodhën në kanal, Gjykata: “Arrest me burg” për dy autorët…

Sadri Selaci dhe Kiri Mernicaj janë autorët e ngjarjes së rëndë që tronditit Fierin, ku trupi i pajetë i Florian Selimit, u gjet në një kanal dhe i therur me thikë në fyt, në vendin e quajtur “Kthesa e Hamilit”.

Sot ata dolën përpara gjykatës së Rrethit Gjyqesor Fier e cila ka vendosur masën e sigurisë burg pa afat për dy të dyshuarit.

Trupi gjykues drejtohej nga gjyqtari Ergys Selmani dhe prokuror Erind Rehovica i cili ka kërkuar edhe masen e sigurisë “arrest me burg” për të pandehurit të cilet nuk e kanë pranuar akuzën.

Ngjarja sipas policisë

Në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti.

Specialistët për Hetimin e Krimeve të Rënda në Drejtorinë Vendore të Policisë Fier, pas një pune të mirëfilltë hetimore, zbardhën dhe dokumentuan ngjarjen e ndodhur gjatë natës së datës 11.08.2019 në fshatin Hamil ku u gjet i vrarë me thikë 23 vjeçari F.S.

Në përfundim të hetimeve u arrestuan shtetasit:

S.S, 26 vjeç, banues në fshatin Sulaj.

K.M, 20 vjeç, banues në fshatin Sulaj.

Gjatë natës së datës 11.08.2019, në fshatin Hamil, këta shtetas në bashkëpunim me njëri tjetrin, për motive të dobëta, kanë vrarë me mjet prerës shtetasin F.S, 23 vjeç, i cili ka ndërruar jetë.

Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje” e kryer në bashkëpunim dhe “Prodhimi dhe mbajtja pa leje e armëve të ftohta”.