Tiranë, 4 punëtorë bien nga skela

Një ngjarje e rëndë ka ndodhur në Tiranë ku 4 punëtorë janë rrëzuar nga skela e një pallati në rrugën “Faik Konica”, dy prejt të cilëve humbën jetën.

Në vendngjarje ka mbërritur autoambulanca e cila transportoi punëtorët në spital.

Ngjarja u raportua rreth orës 15:05 ku tha se dy prej punëtorëve janë në gjendje të rëndë ndërkohë dy të tjerë janë në rrënoja.

Nga ky aksident tragjik, humbën jetën Ergys Brahim 31 vjeç si dhe Orjan Kodra 36 vjeç. Policisë iu deshën disa minuta për të nxjerrë trupat e viktimave të cilat ishin nën rrënojat që shkaktoi rrëzimi i skelës.

Të plagosur mbetën Genti Bardhi 29 vjeç, Euglidios Lika 34 vjeç. Ata u transportuan menjëherë në spitalin e traumës, për shkak të frakturave të shumta që pësuan nga rrëzimi i skelës ku u konstatua se në spital ishte transportuar edhe i plagosuri Altin Marku 36 vjeç.

Skelat që u shkëputën, ishin të vendosura në pjesën e pasme të pallatit. Siç shihet edhe nga pamjet, një pjesë e skelave ende kanë mbetur varur në muret e pallatit.

Nga spitali i traumës, u tha se tre të plagosurit ndodhen jashtë rrezikut për jetën, ndërsa njeri prej tyre, Euglidios Lika iu nënshtrua një ndërhyrjeje kirurgjikale.

Policia lidhur me këtë ngjarje tragjike, ka shoqëruar administratorin e punimeve të rikonstruksionit të pallatit.