Bie qeveria e Italisë!

Kryeministri i Italisë, Giuseppe Conte tha se do të jap dorëheqje pasi partneri i tij i koalicionit, ministri i Brendshëm dhe kryetari i Liga-s, Matteo Salvini, kërkoi votëbesimin e Contes.

“Kriza që po vazhdon po varros punën e qeverisë, e cila përfund këtu,” tha sot Conte gjatë fjalës së tij në Senat ndërsa akuzoi Salvinin se është i papërgjegjshëm  dhe se po shikon vetëm interesat e tij personale dhe të partisë së tij.

Gjithashtu, Conte e akuzoi ministrin e Brendshëm se po e nënshtron vendin ndaj një rreziku serioz, duke tërhequr vërejtjen për ndikimin negativ në ekonomi.

Kryeministri Conte tha se shef i Liga-s ka bërë përpjekje që të përfitoj nga popullariteti në rritje në hulumtimet e opinionit publik  duke nxitur zgjedhje të parakohshme.

Qeveria populiste në Itali ka zgjatur 14 muaj  dhe është qeveria e 65 e Italisë.

Ndryshe, më 8 Gusht, Salvini hoqi dorë nga aleanca me Pesë yjet të Luigi Di Mai duke theksuar se është i lodhur nga grindjet me aleatin me të cilin kishte kontestime për projekte të mëdha, siç është hekurudha e shpejtë, Lyon-Torino, dhe tha se më nuk e ka shumicën, dhe kërkoi shpalljen e zgjedhjeve në vjeshtë, duke u mbështetur në sondazhet që i japin atij 36-38 për qind mbështetje. Por Giuseppe Conte, kërkoi që kjo të procedohet në Parlament ndërsa pika që derdhi gotën ishte refuzimi i Salvinit për të lejuar ankorimin e disa minoreneve me një anije të organizatës joqeveritare spanjolle Open Arms.