Maqedoni e Veriut, arrestohet Prokurorja Speciale, Katica Janeva

Prokurorja Speciale e Maqedonisë së Veriut, Katica Janeva, dje dëshmoi për rastin “Reket” por sot statusi i saj është ndryshuar nga dëshmitare në të dyshuar.

Forca policore, raporton Alsat, kanë ndërhyrë në shtëpinë në Kozle dhe arrestuan Prokuroren Speciale, Katica Janeva.

Ndërkohë jozyrtarisht mësohet se përveç Katica Janevës pritet të arrestohen edhe tre persona të tjerë, mes tyre  mund të ketë edhe dy politikanë. Hetimet do të tregojnë edhe veprimtarinë e djalit të Katica Janevës.

Ndryshe, Prokurorja Speciale, Katica Janeva dje ka dëshmuar para Prokurorisë lidhur me rastin “Reketi”, të zhvatjes së 1.5 milion euro të një biznesmeni, nga dy persona të afërt me kreun e Prokurores Seciale.