Alarmohen nga era e rëndë, gjendet i pajetë në banesë 60-vjeçari

Një 60-vjeçar është gjetur i pajetë mesditën e sotme në lagjen “Apollonia” në Fier, pasi banorët e pallatit, të alarmuar nga era e rëndë që vinte nga banesa e viktimës, kanë lajmëruar policinë.

Raportohet se në katin e tretë të një pallati është gjetur i pajetë shtetasi Bajram Brataj, rreth 60 vjeç. Nuk dihen ende shkaqet e vdekjes së tij, por dyshohet për shkaqe natyrale.

Mendohet se ai ka disa ditë që ka ndërruar jetë, pasi trupi është gjetur tërësisht i dekompozuar. Shërbimet zjarrfikëse kanë mundur të hyjnë nga dritaret e banesës, për të nxjerrë trupin e pajetë, pasi dera qëndronte e mbyllur.