Presidenti Trump: Me Britaninë mund të arrijmë marrëveshje shumë të madhe tregtare

Presidenti i Shteteve të Bashkuara, Donald Trump, ka premtuar një marrëveshje shumë të madhe tregtare me Mbretërinë e Bashkuar, duke folur pas një takimi të mëngjesit me kryeministrin britanik, Boris Johnson në Samitin G7 në Biarritz të Francës, raporton RFE.

Por, Johnson tha se SHBA duhet të hapë tregun nëse një marrëveshje pas Brexit-it arrihet.

“Nuk mendoj se shesim ndonjë lloj të mishit në Shtetet e Bashkuara”, tha Johnson.

Takimi ndodhi pas ditës së parë të diskutimeve në mes të liderëve botëror në Samit.

Duke folur para gazetarëve, Presidenti Trump tha se një marrëveshje me Britaninë do të ndodhte shumë shpejtë.

“Do të bëjmë një marrëveshje shumë të madhe tregtare, më e madhja që kemi pasur me Britaninë!”

Si anëtare e Bashkimit Evropian, Britania nuk mundet të bëjë marrëveshje tregtare me shtete të tjera – dhe Bashkimi Evropian nuk ka marrëveshje për tregti të lirë me SHBA-në.

Britania deri më tash ka vazhduar 13 marrëveshje tregtare me 38 shtete edhe pas Brexit-it.