Majlinda Kelmendi e bronztë në “Tokyo 2019”

Majlinda Kelmendi ka fituar medaljen e bronztë në Kampionatin Botëror “Tokyo 2019”.

Majlinda në luftën për medalje të bronztë e ka mposhtur Joana Ramosin nga Portugalia.

Edhe ky duel ishte tejet interesant teksa pas një përplasje Joana u lëndua dhe ndeshja u shty për disa minuta.

Në fund, Majlinda Kelmendi shtoni në koleksionin e saj të shumtë të medaljeve edhe atë të bronztë të Botërorit Tokyo 2019.

Duke komentuar këtë sukses të Majlinda Kelmendit, trajneri Driton Kuka tha se ndihet krenar Driton Kuka për medaljen e bronztë që e fitoi Kelmendi sot në Kampionat Botëror:

“Ditë e mrekullueshme për Sportin e Kosovës dhe mbarë popullin Shqiptar kudo që gjendet! Medalja e dytë vjen nga Botërori në Tokio! 8 Minuta tempo e çmendur e Majlindes në Gjysëmfinale kundër Japonezes së dytë që u takua sot nuk mjaftuan që Japonezes që krejt kohën i iku luftës të penalizohet për herë të 3 që do sjellte fitoren! Majlinda fiton medaljen e tretë në Kampionate Botërore! Krenaria ime po rritet me ju nxëneësit e mi! Çdo minutë të punës time me ju e paçit hallall tërë jetën,” tha Driton Kuka.

Në ditët në vazhdim, në “Tokyo 2019” pritet të garojnë edhe xhudistët tjerë kosovarë, Akil Gjakova, Nora Gjakova dhe Loriana Kuka.