Alarmi i OBSH, fruthi është kthyer në Shqipëri!

Fruthi është kthyer në katër vende të Evropës që më parë kanë qenë të pastra nga sëmundja, tha Organizata Botërore e Shëndetësisë, OBSH. OBSH thekson se sëmundja nuk konsiderohet më e çrrënjosur në Shqipëri, Republikën Çeke, Greqi dhe Britani.

“Po ecim prapa, jemi në rrugën e gabuar,” tha Kate O’Brien nga Departamenti i Imunizimit pranë OBSH, raporton RFE.

Fruthi është një sëmundje ngjitëse dhe potencialisht fatale që shkakton kollitje, skuqje dhe ethe.

Sëmundja mund të parandalohet përmes dy dozave të vaksinës MMR, e cila në shumë vende është në dispozicion falas.

Vendet shpallen pa fruth kur nuk ka një transmetim endemik për 12 muaj në një zonë specifike gjeografike.

Afro 365,000 raste me fruth janë raportuar në të gjithë botën këtë vit, tha OBSH, çfarë do të thotë gati tre herë më shumë se sa në gjysmën e parë të vitit 2018.

Zyrtarët e OBSH-së thonë se arsyet e përhapjes ndryshojnë nga vendi në vend. Disa njerëz nuk kanë qasje në programet e vaksinimit, ndërsa të tjerët keqinformohen në lidhje me sëmundjen dhe parandalimin e saj.