Grupi i PD, ja çfarë i tha Basha deputetëve/ Lëvizja drejt bojkotit parlamentar…
Grupi Parlamentar demokrat ka marrë sot një vendim për të pasur një raport të kushtëzuar me Kuvendin, edhe gjatë mbledhjes u hodh ideja për bojkot të plotë parlamentar dhe djegie mandatesh. Por çfarë qëndrimi ka mbajtur kreu demokrat Lulzim Basha lidhur me kërkesën për të bojkotuar?
Fjala e Bashës në Grupin e PD
“Bojkoti i parlamentit deri ne shkarkimin e Xhafes qe u propozua nga shumica e deputeteve është plotesisht legjitim dhe më i natyrshmi në këto rrethana politike.
Në fakt e vetmja mënyrë sesi mund të hapen negociatat është që, kur Europa sheh se edhe kur Rama-Xhafaj me krimin i organizuar kanë kapur shtetin, qytetarët nuk e pranojnë, e refuzojnë, nuk mbyllin sytë .
Kjo i tregon partnerëve se edhe pse Rama nuk i ka plotesuar kushtet, shqiptaret me reagimin e tyre si europiane qe refuzojne dhe nuk e pranojne te keqen.
Lëvizja drejt bojkotit parlamentar në kushtet kur jemi investuar fort për hapjen e negociatave, rrezikon të devijojë vemendjen nga ceshtja kryesore: që kemi nje qeveri te lidhur me krimin e organizuar dhe trafikun e droges. Kemi një ministër të Brendshëm vëllai i të cilit është një trafikant ndërkombetar droge, i dënuar në Itali nga drejtesia Italiane por që me mbrojtjen dhe ndihmën e vëllait ministër të Brendshem vazhdon aktivitetin kriminal Kemi një kryeministër që është kaq i lidhur me krimin sa kalon nga një ministër i brendshëm, pjesë e një organizate kriminale të trafikut të drogës te një minister që ka vënë Ministrinë, policinë dhe prokurorinë në funksion të mbrojtjes së vetes dhe vëllait të tij trafikant droge.
Në këto kushte, jam i mendimit të përdorim të gjitha format dhe mënyrat demokratike si opozitë me grupin parlamentar, strukturat, qytetarët për të bërë të qartë qëndrimin tonë të prerë se largimi i Fatmir Xhafajt është kusht i panegociueshëm i opozitës, veprim i domosdoshëm për hapjen e negociatave. As shqiptarët as Europa nuk mund të pranojnë që vendi të kalojë nga policia Tahiri Habilaj te policia Xhafaj dhe prokuroria Rama Xhafaj.
Fatmir Xhafaj duhet të largohet nga Ministër i Brendshëm dhe të hapë rrugën për një hetim të pavarur dhe të pandikuar nga pushteti që ai mban sot. Policia e Shtetit duhet të çlirohet nga kapja prej klanit Xhafaj, i cili zëvendësoi klanin Tahiri-Habilaj, duke vazhduar të mbrojë krimin dhe trafikun ndërkombëtar të drogës. Lufta kundër krimit dhe drogës është një kusht kryesor i hapjes së negociatave me Bashkimin Europian, plotësimi i të cilit po vazhdon t’i kërkohet me forcë qeverisë shqiptare nga qeveritë europiane.
