Raporti i OSBE-ODIHR/ Edi Rama tallet i paskuqur: Dora jonë është e shtrirë…
Pas Raportit të OSBE-ODIHR mbi zgjedhjet e 30 Qershorit, Kryeministri Edi Rama dëshmon se pa diskutim është konsumatori më i madh i rrjeteve sociale në Shqipëri por jo edhe Raporteve që publikohen edhe në këto rrjete mbi gjendjen mizerabël në shtetin që ai drejton.
Deri sa Raporti përfundimtar i OSBE-ODIHR-it e ka bërë të skuqet çdo shqiptar, për Kryeministrin shqetësim është sjellja e opozitës dhe përpjekja “për të ngritur një furtunë në gotë”.
Edi Rama nuk skuqet nga Denar Biba që ka në KQZ dhe ka degjeneruar këtë institucion me urdhërat e Kryeministrit, as përdhosja e institucionit të Presidentit me mosrespektimin e datës së zgjedhjeve, Dekretit dhe publikimit në Fletore Zyrtare, shkelje këto që i ka legjitimuar Raporti por flet për rekomandime:
“Përpjekja për të ngritur një furtunë në gotë mbi Raportin e OSBE/ODHIR-it është e kotë, e gabuar dhe e dëmshme për vendin,e në radhë të parë për opozitën joparlamentare! Raporti ka çertifikuar zgjedhjet si krejt legjitime e ka dhënë rekomandime në shërbim të reformës që na duhet,” thekson Edi Rama në reagimin e tij përmes rrjetit social Twitter, pa përfilluar asgjë nga shkeljet që legjitimon Raporti, madje as faktin se vëzhguesit e OSBE-ODIHR nuk janë lejuar të marrin pjesë në procesin e numërimit.
“Zgjedhjet e 2021 nuk janë larg për kohën që duhet për adresimin e rekomandimeve në funksion të Reformës Zgjedhore. Prandaj le të fokusohemi tek kjo reformë themelore dhe të përgatisim me frymë DIALOGU e BASHKEPUNIMI, zgjedhjet e ardhshme. Dora jonë është e shtrirë për të gjithë,” thekson shkelësi kryesor i Kodit Zgjedhor që hartoi me dorën e tij kur ishte në opozitë, dhe sot bënë thirrje për Reformë Zgjedhore me anëtarë kriminel që ka në KQZ që edhe gijotinën e bëjnë pis.
Dhe, në fund të reagimit të dijë, qershia mbi tortë është shqetësimi i Kryeministrit Edi Rama që shprehë për kohën e cila nuk pret, ndërkohë për 6 vjet mori sahatin rilindas, kthehu kohën shqiptare mbrapsht, dhe vazhdon dhe e kthen kohën ndonëse e çuar Shqipërinë aty kthërrasin pellazgët dhe jo qiameti:
“Çdo vonesë e kotë sot e bën më të vështirë arritjen e një rezultati domethënës, në adresimin e problematikës së evidentuar përmes rekomandimeve. Ne presim, po koha nuk pret qytetarët tanë pa dallim, presin prej nesh të hapim një faqe të re DIALOGU e BASHKEPUNIMI për Shqipërinë. “
Reagimi
Përpjekja për të ngritur një furtunë në gotë mbi Raportin e OSBE/ODHIR-it është e kotë, e gabuar dhe e dëmshme për vendin,e në radhë të parë për opozitën joparlamentare! Raporti ka çertifikuar zgjedhjet si krejt legjitime e ka dhënë rekomandime në shërbim të reformës që na duhet!
Zgjedhjet e 2021 nuk janë larg për kohën që duhet për adresimin e rekomandimeve në funksion të Reformës Zgjedhore. Prandaj le të fokusohemi tek kjo reformë themelore dhe të përgatisim me frymë DIALOGU e BASHKEPUNIMI, zgjedhjet e ardhshme. Dora jonë është e shtrirë për të gjithë.
Çdo vonesë e kotë sot e bën më të vështirë arritjen e një rezultati domethënës, në adresimin e problematikës së evidentuar përmes rekomandimeve. Ne presim, po koha nuk pret qytetarët tanë pa dallim, presin prej nesh të hapim një faqe të re DIALOGU e BASHKEPUNIMI për Shqipërinë.
