Vjosa Osmani: Mitrovica e dinë adresën e besimit, LDK!

Kandidatja e LDK për Kryeministër, Vjosa Osmani, fundjavën e përmbylli me takime në Shalë të Bajgorës, Kçiç të Madh dhe në vendlindjen e babait, Zhabar.

“Entuziazmi i këtyre takimeve, të kthehet në mobilizim masiv qytetar për NDRYSHIMIN e MADH të cilin mund ta sjellim vetëm ne,” tha Vjosa Osmani gjatë takimeve në komunën e Mitrovicës.

Në vendlindjen e saj Mitrovicë, Vjosa Osmani u shpreh e bindur se qyetarët e kësaj komune e dijnë se kujt do t’ia japin besimin:

“Jam shume e lumtur që Mitrovicasit janë shumë të vetëdijshëm për adresën në të cilën do ta dërgojnë besimin e tyre, më 6 tetor, e ajo është Lidhja Demokratike e Kosovës.”