Kriza politike/ Takimi Meta-Basha, Presidenti jep detaje në konferencë për media…

Pas përfundimit të misionit fakt mbledhës të Delegacionit të Komisionit të Venecias, Presidenti i Republikës, Ilir Meta, ka zhvilluar sot një takim me Kryetarin e Partisë Demokratike, Lulzim Basha në Presidencë.

Mësohet se takimi ka nisur rreth orës 10:00 të mëngjesit dhe ka zgjatur rreth një orë, ndërsa nuk bëhen ende të ditura detaje rreth çështjeve që janë diskutuar.

Ndërkohë për sot në orën 17:00 Presidenti i Republikës, Ilir Meta do të zhvilloj një konferencë për media në Presidencë.

Presidenca bën të ditur konferenca mbahet në lidhje me vizitën e Delegacionit të Komisionit të Venecias ndërsa priten sqarime edhe për takimin me liderin e opozitës dhe akuzat e bëra në Komisionin Hetimor ku Ilir Meta mori pjesë në një seancë dëgjimore.