Çfarë halli ka Presidenti?! I kërkon Shërbimit Informativ ta informoj Parlamentin!!!
Pas deklaratës së Presidentit të Republikës, Ilir Meta, në Komisionin Hetimor Parlamentar për shkarkimin e Presidentit, për ekzistimin e një plani për të djegur Parlamentin e Shqipërisë, bazuar në një raport nga Shërbimet Informative, por që nuk iu dha në dispozicion Komisionit meqë sipas Metë nuk kanë Çertifikatë Sigurie, ka ngjallur një reagim të madh mosbesimi ndaj Ilir Metës duke pasur parasysh të kaluarën e tij politike dhe jo vetëm.
Dje reagoi Presidenti dhe sot Zëdhënësi i tij, Tedi Blushi, duke akuzuar gazetat dhe portalet e “SHTETIT TË PROPAGANDËS DHE PPP-ve” se me kokëfortësi të shpjegueshme, vazhdojnë ende të dezinformojnë opinionin publik me lajmin e rremë, sikur Presidenti Meta po mban sekret raportin e prodhuar nga institucioni i lartë i sigurisë kombëtare, që paralajmëronte rrezikun e djegies së Parlamentit në datën 8 qershor 2019.
Në luftën mediatike Rama-Meta, Presidenti dhe Zëdhënësi i tij duke harruar se ka edhe media që nuk i blen dot as Ilir Meta dhe Edi Rama, harron ti përgjigjet atyre që nuk thonë se Meta po e mbanë sekret raportin por kanë dyshime se Raporti nuk ekziston fare.
Pastaj çmenduria e Zëdhënit shkon tutje duke deklaruar se dje, Institucioni i Presidentit i ka nisur një kërkesë institucionit të lartë të sigurisë kombëtare:
“Që mbështetur mbi ligj, t’i verë në dispozion edhe Kuvendit, raportin që i ka dorëzuar Presidentit në datën 7 qershor 2019. Po dje, Institucioni i Kreut të Shtetit i ka dërguar një letër zyrtare edhe Kuvendit, ku e vë në dijeni lidhur me kërkesën e mësipërme.”
Meqë shquhet për joinstitucionalizëm, Ilir Meta harron se Raporti i 7 Qershorit siç i është dërguar Presidentit i është dërguar edhe Kryeministrit, dhe nëse Komisionit Hetimor i duhet rikonfrimimi nga Shërbimi Informativ, kreu i këtij institucioni e ka detyrim kushtetuese të raportoj para Parlamentit. Në rastin më urgjent Komisionit të Sigurisë.
Në këtë zallamahi kur portalet dhe mediat e Edi Ramës fitojnë luftën në propagandën e tyre ndaj mediave dhe portaleve të Ilir Metës, e paqartë, përveç takimit të përfolur Rama-Basha, mbetet: Çfarë halli ka Ilir Meta?!
Reagimi
Me përgjegjësi maksimale, dua të rikonfirmoj vendosmërinë e Presidentit të Republikës, Sh.T.Z Ilir Meta, të shprehur shumë qartë dje për të gjitha mediat dhe për mbarë opinionin publik, për të ushtruar të gjitha kompetencat e tij kushtetuese, si një PRESIDENT I SHTETIT TË SË DREJTËS.
Me keqardhje, por pa çudi, portale dhe gazeta të SHTETIT TË PROPAGANDËS DHE PPP-ve, me kokëfortësi të shpjegueshme, vazhdojnë ende të dezinformojnë opinionin publik me lajmin e rremë, sikur Presidenti Meta po mban sekret raportin e prodhuar nga institucioni i lartë i sigurisë kombëtare, që paralajmëronte rrezikun e djegies së Parlamentit në datën 8 qershor 2019.
Sikundër Kreu i Shtetit e sqaroi edhe dje shumë qartë, jam i detyruar të rikonfirmoj se:
Ditën e djeshme, Institucioni i Presidentit i ka nisur një kërkesë institucionit të lartë të sigurisë kombëtare, që mbështetur mbi ligj, t’i verë në dispozion edhe Kuvendit, raportin që i ka dorëzuar Presidentit në datën 7 qershor 2019.
Po dje, Institucioni i Kreut të Shtetit i ka dërguar një letër zyrtare edhe Kuvendit, ku e vë në dijeni lidhur me kërkesën e mësipërme.
Po kështu, ekipi i Këshillit të Sigurisë së Presidentit Meta, i kryesuar nga Këshilltari për Sigurinë Kombëtare, z.Bahri Shaqiri është gati të bashkëpunojë në çdo kohë dhe me çdo institucion shtetëror për këtë çështje, të ndajë dhe të vendosë në dispozicion të gjitha informacionet, faktet apo edhe provat shkresore, filmike, audio dhe fotografike, që disponon.
Uroj që ky sqarim publik të lexohet drejt dhe të mos shtrembërohet sërish në “përkthimin” shqip-shqip që bëjnë në të tilla raste portalet dhe gazetat e SHTETIT TË PROPAGANDËS DHE PPP-ve.
