“Parlamenti i skllevërve të krimit”, Basha: Sot, grabitja më e madhe e tranzicionit!

Kryetari i Partisë Demokratike, Lulzim Basha, ka paralajmëruar sot grabitjen më të madhe në 30 vjet me koncesionin e rrugës Milot-Balldren dhe atë të rrugës Orikum-Dukat ndërsa i ka bërë të ditur deputetëve që do të votojnë pro këtyre Pr/ligjeve, emrat e tyre do të mbahen shënim dhe do të hetohen nga Antimafia.

Vetëm një parlament ilegjitim, tha Lulzim Basha, i përbërë jo nga burra e gra që përfaqësojnë socialistët por skllevër të krimit e oligarkëve mund të votojnë kontrata të tilla.

“Në këto momente pak metra pas meje në kuvendit e cunguar, landfillin e Republikës së Shqipërisë po finalizohet grabitja më e madhe në historinë 30-vjeçare në historinë e pluralizmit. Koncesioni i rrugës Milot-Balldren i Ndue dhe Agim Kolës me vjelë 296 milionë euro apo 17 mln euro për kilometër dhe koncesioni i rrugës Orikum-Dukat i Lorenc Gjikurisë me vlerë 70 mln euro. Dekreti i Presidentit të Republikës për kthimin e këtyre dy kontratave korruptive po bëhet gati të kthehet poshtë nga cjapët dhe delet e korrupsionit në parlamentin e dalë si pasojë e krimit të organizuar dhe blerjes së votave. Vetëm një parlament ilegjitim i përbërë jo nga burra e gra që përfaqësojnë socialistët por skllevër të krimit e oligarkëve mund të votojnë dy kontrata të tilla. Vetëm një parlament peng i krimit e oligarkëve mund të bëhet noter i një vepre kaq të rëndë kriminale dhe hajdutërore. Kjo është vjedhje me ligj.”

Për ata deputetët që do të votojnë këto Pr/ligje, lideri i opozitës tha se emrat e tyre do të mbahen shënim dhe do të hetohen nga Antimafia.

“Dua të paralajmëroj çdo anëtar të seancës që ngre dorën për të miratuar vjedhjen me ligj se nesër do të jetë subjekt i ligjit antimaifa. Sot po ju vëzhtojmë dhe do ju mbajmë shënim emrat. Nesër do ju ndjekim këmba-këmbës. Çdo qindarkë dhe çdo pronë do të jetë nën lupën e ligjit Antimafia dhe të SPAK-ut. Ajo çka votohet sot nga ‘Landfilli’ i Republikës me ligj, pasi ky projekt eshte diskutuar në restorantin luksoz të Ramës, ndërsa në fakt është në pronësi të familjes Kola. Kjo kompani nuk ka kryer asnjë punë. Bardhi Konstruksion SHKP ka kapital 100 mijë lekë. Bëhet fjalë për 1 operator. Ka hyrë në lojë për të futur paratë e pista të drogës, e njëjta skemë si me Unazën e Re. Vlerat e një km në terren fushë, pa asnjë vepër madhore dhe vështirësi, shkon në 17 mln euro për km (rruga Milot-Balldren). Për të kuptuar këtë skemë mafioze të vjedhjes së parave të shqiptarëve dhe pastrimit të parave të drogës, për leverdi të Ramës dhe klientëve të tij, duhet të shpjegohet kjo kosto. Ky projekt u parashikua me vlerën 130 mln euro. Më pas tenderi u hap me shtesë 50 mln euro. Në kontratë vlera shkoi në 216 mln euro dhe me TVSH 260 mln euro. Vlera në pagesat e përgatitura shkon në 40 mln euro më shumë. Të dashur qytetarë formula e vjedhjes së parave tuaja është e thjeshtë; fryhen kostot dhe ato shtesat i merr Rama dhe klientët e tij,” tha Basha duke shtuar se Edi Rama është hajduti më i madh që ka njohur Shqipëria, grabitës psiqik. Çdo koncesion dhe kontratë korruptive ka një destinacion; xhepat e Ramës pa asnjë përfitim për qytetarët!

Për koncesionin e rrugëve Orikum-Dukat dhe Milot-Balldren, Kryetari i Partisë Demokratike, tha se janë koncensione të pastrimit masiv të parave në ekonomi, dhe përbëjnë rrezik për destabilizimin e vendit, për sigurinë kombëtare dhe për ndalimin e integrimit europian të vendit.

“I vetmi përjashtim është vjedhja e grabitja e pasurive të shqiptarëve. Cdo akt cdo veprim e cdo firmë e Ramës, ka për qëllim grabitjen e shqiptarëve. Pasojat e aktivitetit kriminal janë shkatërrimtare për vendin për buxhetin për pasuritë kombëtare dhe kanë pasoja të rënda politike, në kapjen e pushtetit nga krimi, destabilizimin e vendit. Koncesionet korruptive kanë sjellë dëme kolosale, qindra miliarda euro të grabitura, të gjitha paratë e buxhetit po kontraktohen nga Rama për 15-20 vitet e ardhshme, do të shkojnë në xhepat e Ramës apo 4 – 5 oligarkëve të lidhur me të,” tha Basha duke e vlerësuar si dëm të pallogaritshëm edhe në ekonomi:

“Po zhvendosen nga tregu bizneset e ndershme, për të vendosur monopolet. Këto politika kriminale ekonomike të Ramës, kanë sjell shkatërrim, janë paratë e Ndue Kolës, si paratë e dajës së tij “Gjoka construcion. Dajë e nip kanë marrë gjysmë mld euro kontrata nga Rama. E gjithë kupola e PS është sot e kapur nga krimi organizuar nga interesat klienteliste të cilat kanë pasoja shkatërruese për proceset politike në vend.”

Dhe jo vetëm kaq! Duke paralajmëruar se koncensionet e pastrimit masiv të parave përbëjnë rrezik për destabilizimin e vendit, Lulzim Basha, tha se nuk ka gjë më të rëndësisihme se zhdukja e ndikimit e pasojave kriminale me të cilën Edi Rama ndan plaçkën e vjedhur shqiptarëve.

“Hetimi në nivel i korrupsionit të lartë, është prioritet absolut, çdo kontratë do të konsiderohet vepër penale dhe do i nënshtrohet ligjit Antimafia në bashkëpunim me SPAK e BKH. Çdo kompani private e person privat publik i përfshirë në këto afera, nga më i thjeshti deri te kryeministri do i nënshtrohen hetimit të pasurisë e të ardhurave, të gjithë zyrtarë në detyrë ministra e ish-ministra që janë larguar pasi kanë mbushur xhepat, asnjë prej tyre nuk do i shpëtojë hetimit. Askush nuk do të shpëtojë,” tha Kryetari i Partisë Demokratike, Lulzim Basha, duke përfunduar:

“Të gjithë shqiptarët e dinë fare mirë se alternativa që kemi është ndëshkimi i tyre për të shpëtuar Shqipërinë. PD e ka bërë zgjedhjen e tyre, jemi në krah të shqiptarëve për të shpëtuar Shqipërinë.” theksoi më tej Basha.”