Aksidenti me makinën e blinduar/ Vëllai i deputetes së LSI, shoferi 34-vjeçar që ndërroi emrin…

I riu 34-vjeçar i aksidentuar me makinën e blinduar mbrëmjen e së mërkurës në rrethrrotullimin e Sheshit “Shqiponja” në Laprakë, rezulton të jetë vëllai i një prej deputeteve më të reja të LSI .

Drejtuesi i makinës së blinduar me targa ruse, 34-vjeçari Eldin Dergjini, është vëllai i deputetes së “Opozitës së Edi Ramës”, Ambra Borova, raporton BW. Kujtojmë se Borova, mori mandatin e deputetes pasi opozita vendosi djegien e tyre në shkurt të vitit të kaluar. Borova zëvendësoi në parlamnet, deputetin e LSI për Shkodër, Agron Çela.

34-vjecari Dergjini ka ndërruar mbiemër për shkak të precendentëve penalë. Ai është arrestuar në Shqipëri për kundërshtim të punonjësit të rendit publik dhe në Itali për narkotik

Makina e blinduar me targë ruse H001CH 199 është dërguar në Drejtorinë e Tiranës dhe i është nënshtruar një kontrolli të imtësishëm por nuk janë gjetur sende të paligjshme në të. I aksidentuari pretendon se makinën e ka sjellë nga jashtë vendit dhe nuk e ka pajisur ende me dokumentacion shqiptar.