Thirrje/ DPA, Seminar për punën në arkiv – protokoll

Me qëllim të ngritjes profesionale dhe shkencore të punonjësve të sekretari-arkivave të institucioneve shtetërore qendore dhe jo vetëm, Drejtoria e Përgjithshme e Arkivave, DPA, organizon “Seminarin për punën në arkiv – protokoll”.

Duke u bërë thirrje të gjithë nëpunësve të institucioneve shtetërore dhe individëve të interesuar për punën me dokumentet, që të marrë pjesë në seminar, DPA saktëson se ai do të zhvillohet nga data 21 tetor deri më 1 nëntor 2019.

“Ky seminar ka për qëllim ngritjen profesionale dhe shkencore të punonjësve të sekretari-arkivave të institucioneve shtetërore qendore dhe vendore, për njohjen dhe zbatimin e Ligjit “Për Arkivat’’, si dhe “Norma tekniko-profesionale dhe metodologjike të shërbimit arkivor në Republikën e Shqipërisë,” thekson Drejtoria e Përgjithshme e Arkivave ku temat kryesore që do të trajtohen në këtë seminar do të jenë:

1- Njohje me Ligjin “Për arkivat” dhe “Norma tekniko-profesionale dhe metodologjike të shërbimit arkivor në Republiken e Shqipërisë”.

2- Evidentimi i dokumenteve, qarkullimi dhe sigurimi i tërësisë së tyre në sekretari, si dhe mjetet e evidentimit.

3- Klasifikimi,sistemimi i dokumenteve arkivore, kriteret e klasifikimit, skemat e klasifikimit, kriteret e krijimit të njësive të ruajtjes, përshkrimi, renditja, inventarizimi dhe dorëzimi i dokumenteve .

4- Ekspertiza e vlerës së ruajtjes së dokumenteve, përmbajtja, qëllimi, parimet, kriteret, dhe organizimi i punës për kryerjen e saj.

5- Përpilimi i shkresave zyrtare si dhe rregullat për krijimin dhe zbatimin e elementëve të dokumentit.

6- Faktorët dëmtues të dokumenteve, mbrojtja dhe kushtet e ruajtjes e tyre

7 -Teknologjia dixhitale, dixhitalizimi i dokumenteve

8- Praktikë: njohuritë e marra në leksione dhe zbatimi i tyre në proceset e punës arkivore.

Në përfundim të seminarit pjesëmarrësit do të pajisen me certifikatën përkatëse.

Për të marrë të gjithë të interesuarit Drejtoria e Përgjithshme e Arkivave bënë të ditur se mund të aplikojnë nëpërmjet emailit në dpa@arkiva.gov.al deri më 10 tetor 2019. Të gjithë të kualifikuarit që do të vazhdojnë këtë seminar do të njoftohen individualisht po nëpërmjet e-mailit.