KLP i propozon Parlamentit, 3 kandidatë për Prokuror të Përgjithshëm

Këshilli i Lartë i Prokurorisë, KLP, më fund përcaktoi 3 kandidatët për Prokuror të Përgjithshëm që do ti propozohen Parlamentit ë Shqipërisë ndër të cilët edhe Kryeprokurorja e Përgjithshme e Përkohshme, Arta Marku.

Këshilli i Lartë i Prokurorisë konfirmoi vijimin e garës për Prokurorin e Krimeve të Rënda, Olsian Çela dhe Prokuroren e Apelit, Fatjona Memçaj.

Sot KLP skualifikoi Lulzim Alushaj për mosplotësim të kushtit të përvojës 15-vjeçare si jurist i spikatur.

Kandidati Alushaj, i cili vjen nga rradhët e avokatisë, ka të drejtën të ankimojë vendimin e KLP brenda 3 ditëve në Gjykatën Administrative të Apelit. Dhe kjo e fundit duhet të japë vendimin brenda 7 ditëve pas ankimimit të kandidatit për kryeprokuror.

Në fund, Këshillit i Lartë i Prokurorisë do të bëjë renditja e kandidatëve sipas pikëzimit dhe lista me 3 emrat do të kalojë për votim Parlamentit.

Zgjedhja e Kryeprokurorit të ri në Parlament do të bëhet me shumicë të cilësuar dhe nëse kjo nuk arrihet, kandidati i parë i renditur në listën e KLP sipas pikëzimit, emërohet automatikisht Prokuror i Përgjithshëm.