Ndërron jetë Ish-Presidenti i Francës, Jacques Chirac

Ish-Presidenti i Francës, Jacques Chirac, ka ndërruas jetë në moshën 86-vjeçare. Dhëndri i tij konfirmoi se Chirac vdiq mëngjesin e së enjtes, “i rrethuar nga familja”.

Jacques Chirac ka shërbyer dy mandate si president i Francës, nga viti 1995 deri më 2007.

Një nga reformat e tij kryesore politike ishte shkurtimi i mandatit presidencial nga shtatë në pesë vjet. Chirac e ka futur Francën në Eurozonë.

Kur NATO ka nisur bombardimet kundër Jugosllavisë më 1999, për të ndalur dhunën në Kosovë, Chirac është shprehur se sulmet ajrore kanë nisur për të mbrojtur paqen në tokën tonë, paqen në Evropë.

Ndërsa në vitin 2003 Chirac ishte kundër sulmit të Irakut nga forcat e udhëhequra nga SHBA.