Në prag të zgjedhjeve, Ambasadori i SHBA apel për qytetarët

Më 6 Tetor mbahen zgjedhjet e parakohshme parlamentare në Kosovë. Ambasadori i Shteteve të Bashkuara në Kosovë, Philip Kosnett, duke inkurajuar mbajtjen e zgjedhjeve demokratike këshillon të raportohen edhe të gjitha parregullsitë

Paneli Zgjedhor për Ankesa dhe Parashtresa, thekson Ambasadori Kosnett përmes rrjetit social Twitter është institucion që i merr seriozisht parregullsitë e raportuara nga qytetarët:

“Një pjesë të zgjedhjeve të drejta përfshijnë institucionet qeveritare si Paneli Zgjedhor për Ankesa dhe Parashtresa: http://pzap.rks-gov.net/?lang=en e cila i merr seriozisht të gjitha ankesat e bëra drejtpërdrejt.”

Ndryshe, zgjedhjet e parakohshme në Kosovë do të mbahen këtë të diel, më 6 tetor, pas dorëheqjes së Kryeministrit Ramush Haradinajt.