6 Tetor, Veseli: Dy zgjedhje, koalicioni i shpresës me SHBA ose izolimi!

Kandidati për kryeministër i PDK-së, Kadri Veseli, sot nga Drenasi tha se fitoret për Kosovën nisin çdo herë nga Drenica, ndërsa fitorja e PDK-së kësaj radhe do të vuloset në Prishtinë, më 6 tetor.

”Projekti i PDK-së është që ta mbajë popullin e bashkuar, të mos i ndajë, të mos i përçajë për të ndihmuar rininë në mënyrë të veçantë. Për t’i përkrahur të gjitha kategoritë e shoqërisë tonë , do të përkrahi të gjithë ata që mendojnë të zhvillojnë vendin”.

Duke premtuar stabilitet politik, Veseli u shpreh:

“Do t’i përkrahin pensionistët, do të legalizojnë të gjitha pronat që për dy vite të gjitha këto prona do të legalizohen. Të gjithë do fuqizohen edhe më shumë bashkë me Kosovën me Shtetet e Bashkuara të Amerikës. Ne duhet të kemi stabilitet politik.”

Me këtë rast ai ka ftuar qytetarët që të më 6 tetor të dalin masivisht në zgjedhje.

“Ditëve të fundit po shoh një vetëkënaqësi. Ne nuk duhet të vetëkënaqemi, duhet ta sigurojmë të ardhmen e Kosovës me ShBA-të. Më 6 tetor kisha lutur përkrahësit tanë të dalin në zgjedhje e të votojnë përkrahësi te së ardhmes,” tha Kadri Veseli për ditën kur qytetarët qytetarët e Kosovës më 6 tetor do gjenden para dy zgjedhjeve, atij të koalicionit të shpresës me SHBA-të apo koalicionit të izolimit.

“Më 6 tetor zgjedhja është mes koalicionit të shpresës me SHBA-të, apo koalicionit të izolimit dhe të thellimit të korrupsionit”.