Shpallet në kërkim Ish-Drejtori i ALUIZNI-t, Flamur Gjuzi. Arrestohet…

Ish-Drejtori i ALUIZNI-t të qytetit të Durrësit, Flamur Gjuzi, i akuzuar për shpërdorim detyre, shpallet në kërkim ndërsa u arrestua punonjësja e këtij institucioni, Lusiena Kola, e cila u lirua sërish nga gjykata dhe do të hetohet në gjendje të lirë.

Lusiena Kola u arrestua nga policia me urdhër të prokurorisë pasi Gjykata vendosi ‘Detyrim paraqitje’ për të, ndërsa Gjuzi vijon të jetë ne kërkim.

Mësohet se zyrtarët e ALUIZNI-t kanë shpërdoruar detyrën në legalizimin dhe regjistrimin e disa pronave të paluajtshme. Ne bashkëpunim edhe me zyrtarë të tjerë ata dyshohet se u kanë dhënë disa shtetasve, në kundërshtim me ligjin, dokumentat e pronësisë në zonën e bregut si dhe në zona të tjera të qytetit të Durrësit.