“Karroca me kalë i thotë trenit…”/ Përgjigje, Ndoka: Rrangallë i dalë nga shinat!

Pasi Kryetari i PD, Lulzim Basha, e bëri të qartë se Kryeministri e ka në tavolinë “Planin për Reformën Zgjedhore të Opozitës së Bashkuar” që është dhe çelësi i zgjidhjes së krizës, dhe mund ta zbatojë ose të hap krahun, Edi Rama reagoi duke theksuar se një karrocë me kalë nuk mund ti thotë një treni hap krahun.

Por ky tren, siç e konsideron veten Edi Rama me mazhorancën e tij, mori përgjigje nga Aleati i PD dhe Kryetari i Partisë Demokraistiane, Nard Ndoka, për të cilin Edi Rama është një tren rrangallë i cili ka dalë nga shinat:

“Edi Rama, je tren rrangalle, i boshatisur nga njerëzit dhe i mbushur me kriminele e oligarkë, që ke dalë nga shinat! Fundi yt dihet..!,” tha në reagimin e tij Nard Ndoka përmes rrjetit social Facebook duke përfunduar:

“Opozita po i del për Zot vendit dhe qytetarëve!”

Ndryshe, Planit për Reformën Zgjedhore të Opozitës së Bashkuar i cili u bë sot publik nga opozita, Edi Rama sot iu përgjigj me një mospërfillje ashtu siç bënë dhe politikë nga e dita e parë në kryee të PS, duke theksuar:

“Unë mendoj që nuk është e rëndësishme të harxhojmë kohën e njëri tjetrit dhe të njerëzve me këtë procesin ai tha po ti si thua pastaj do shkoni te ai do i thoni ai tha ashtu. Më mirë merremi me njerëzit me problemet reale. Tërmetet artificiale unë kam në dorë ti krijoj, por jo ti parandaloj. Tërmetet natyrale largqoftë askush nga ne si ndalon dot, ajo që kemi në dorë është të bëjme çfarë kemi në dorë. Keshtuqë është njësoj si një karrocë me kalë ti thotë një treni hap krahun. Mirupafshim”