Haradinaj: Nëse nuk votoni të tjerët votojnë për ju
Kandidati për kryeministër nga radhët e koalicionit AAK-PSD, Ramush Haradinaj, pas votimit në shkollën e mesme të mjekësisë “Dr. Ali Sokoli” në Prishtinë, duke i bëri thirrje qytetarëve që të dalin në votim tha që vetëm ata që votojnë vendosin për fatin e tyre, ndërsa për mosdalje në votime, vendosin të tjerët për ta.
“Unë dhe Anita e shfrytëzuam të drejtën e votës. Vetëm me votë vendosim, nëse nuk votoni të tjerët votojnë për ju. Andaj, i lus të gjithë qytetarët të dalin të votojnë pa marrë parasysh bindjet e tyre politike të dalin e të votojnë,” tha Ramush Haradinaj.
