Numërohen 97.37% të votave KQZ: Lëvizja Vetëvendosje e para!

Nga 97.37% e votave të numëruara, KQZ në kohë reale ka publikuar rezultatin e zgjedhjeve parlamentare në Kosovë ku kryeson Lëvizja Vetëvendosje.

Kështu, sipas Komisionit Qendror i Zgjedhjeve në Kosovë, nga 97.37 për qind të votave të numëruara, Lëvizja Vetëvendosje kryeson me 26.61 për qind përkatësisht 199.506 vota e pasuar nga Lidhja Demokratike e Kosovës me 24.91 për qind përkatësisht 194.028 vota.

Risi është ulja e numrit të votave të koalicionit AAK-PSD me në krye Ramush Haradinajn me 11.54 për qind përkatësisht 89.883 vota dhe koalicioni NISMA-AKR që aktualisht nuk e kalon pragun me 4.88 për qind përkatësisht 38.055 vota.

Sipas ecurisë së numërimit të votave dhe publikimit në kohë reale nga KQZ, pritet për shumë pak kohë që të kemi dhe rezultatin final.

Për të gjithë të interesuarit, rezultatet e numërimit, Komisionit Qendror Zgjedhor vazhdon ti publikoj në kohë reale në faqen e KQZ, dhe mund ti ndiqni Këtu.

Ndryshe, pas rreth 90 për qind të votave të numëruara, Albin Kurti si Kryeministër i ri shpalli fitoren e Lëvizjes Vetëvendosje.