Duka: Dy ministra të Brendshëm të rrëzuar nga droga, problemi është Rama…

Kryetari i PAA-së, Agron Duka, u shpreh se protesta e opozitës do të vazhdojë deri në largimin e Fatmir Xhafajt nga posti i ministrit të Brendshëm.

Në studion e Oraneës, Duka tha se qeveria nuk është më e fortë, ka dy ministra me probleme me drogën dhe kjo i faturohet kryeministrit.

“Unë gjykojë që për protestën duhet folur në mënyrë objektive. Kishte prani të madhe. Pavarësisht numrit të personave, rëndësi ka qenë kauza, e cila tregonte se duhet larguar Xhafaj. Opozita tentoi ta ndalonte radikalizmin. Opozita, si çdo opozitë mund ti gjejë pesë gjashtë vetë për ti përplasur, por nuk duam këtë. Kjo s’do të thotë se ka ndaluar lufta. Kauza vijon.

Qeveria nuk është e forcuar, nuk mund të vijoi në këtë formë vendi ynë. Tani jemi magazinë dhe shitje droge. Kemi një ministër të brendshëm paraardhës që përkohësisht është i lirë, por është në hetim për trafik droge, dhe ka një ministër të brendshëm, që ka një vlla për fatin e tij të keq ta ketë në burg për drogë.

Shqipëria s’mund të vijojë kështu. Protesta do të vijojë deri sa ministri i Brendshëm të rrëzohet. Dhe nëse dy ministra të brendshëm bihen për shkak të drogës, atëherë ka probleme dhe me kryeministrin”, tha Duka.