KED me 4 kandidatë për 2 vende në Gjykatën Kushtetuese
Këshilli i Emërimeve në Drejtësi, KED, ka dërguar në Parlament katër emra për dy vendet e lira në Gjykatën Kushtetuese.
Elsa Toska, Besnik Muçi, Arta Vorpsi dhe Fiona Papajorgji, i janë dërguar Parlamentit për t’u votuar për dy vendet e lira në Gjykatën Kushtetuese. Më 8 tetor, e njëjta listë i është dërguar edhe Presidentit të Republikës, i cili ka për kompetencë që të zgjedhë 3 anëtarë.
Aktualisht Gjykata Kushtetuese ka vetëm një anëtar ndërsa për funksionimin e këtij institucioni duhen të paktën 6 anëtarë.
Ndryshe, Gjykata Kushtetuese përbëhet nga nëntë anëtarë, 3 zgjidhen nga Parlamenti, 3 Presidenti si dhe 3 Gjykata e Lartë.
