Spektakël kuqezi, Shqipëria arrinë fitore rekord në Moldavi

Ndeshje perfekte! Dakord, Moldavia nuk është as Franca dhe as Turqia, por po luanim në transfertë dhe vinim pas një humbjeje dramatike kundër turqve. Shqipëria fiton kundër Moldavisë me rezultatin 4:0 dhe nuk i jep asnjë shans kundërshtarëve, raporton Panorama.

Dominim absolut, që shoqërohet edhe me një rekord: Shqipëria nuk i kishte shënuar kurrë në një ndeshje kualifikuese tre gola në pjesën e parë. Ka ndodhur vetëm një herë, në atë fitoren 4:1 kundër Lituanisë në vitin 2013, por ajo ishte miqësore. Përtej kësaj, u pa një skuadër që funksionon.

Trashi që shënon në debutim një super gol dhe dy debutues të tjerë si Selahi dhe  Kumbulla. Serinë e golave e hapi Cikalleshi, më pas dyfishoi Bare. Kjo, edhe falë dy gafave në mbrojtje të mbrojtësve dhe portierit vendës. Më pas vjen predha e Trashit që çarmatosi tërësisht vendësit.

Në pjesën e dytë kuqezinjtë u mjaftuan vetëm me administrimin e lojës, por spektakli nuk kish mbaruar. Në minutën e fundit, një shpërthim i Roshit të futur në pjesën e dytë ndihmon Manajn të shënojë me thembër. Një mbrëmje spektakolare për Shqipërinë, që u mbështet fuqimisht edhe nga tifozët kuqezi, që as në këtë transfertë nuk e lanë vetëm kombëtaren. Përkundrazi, dëgjoheshin vetëm ata në stadium.

Moldavi-Shqipëri 0-4

Cikalleshi 22′, Bare 34′ , Trashi 40′ , Manaj 90′  

Formacionet:

Moldavia: Koshelev, Mudrac, Prepelita, Posmac, Graur, Reabciuk, Ionita, Anton, Cebotaru, Suvorov, Sidorenko.  Trajner: Semen Altman

Shqipëria: Strakosha, Veseli, Dermaku, Gjimshiti, Ismajli, Trashi, Gjasula, Bare, Abrashi, Cikalleshi, Manaj. Trajner: Edi Reja.