Zaev: Më 12 prill 2020, zgjedhjet e parakohshme; Partitë shqiptare: Ditë shprese!

Pas takimit të liderëve me Presidentin e Maqedonisë së Veriut, Kryeministri Zoran Zaev bëri të ditur se është rritur marrëveshja që zgjedhjet e ardhshme parlamentare të mbahen më 12 prill të vitit të ardhshëm.

“Propozimi jonë ishte që 22 ose 29 dhjetor të shkojmë në zgjedhje sepse në atë periudhë mund ta realizojmë procesin zgjedhor dhe më pas të presim edhe ratifikimin e protokollit nga na e Spanjë dhe ne të kemi parlament funksional. Kishte reagime nga opozita se nuk mund të ketë 100 qeveri teknike, pastaj u shqyrtua, marsi, prilli, e kështu me radhë dhe me konsensus u vendos që 12 prilli të jetë data kur do të mbahen zgjedhjet,” tha Zoran Zaev.

Kryetari i VMRO-DPMNE-së opozitare, Hristian Mickoski pas takimit të liderëve tha se me rëndësi është që u riafirmuan qëndrimet se të gjithë mbetemi të përkushtuar në euro-integrime ndërsa bëri të ditur se nga Janari 2020 do të ketë Qeveri teknike.

Ndërkohë partitë shqiptare, raporton AlSat duke e vlerësuar si një vendim të mirë, mbajtjen e zgjedhjeve të parakohshme më 12 Prill, e konsiderojnë si një shans për rikthimin e shpresës tek të rinjtë, të cilët kohëve të fundit po braktisin e vendin.

Ahmeti: Le të fitoj më i miri!

Kryetari i BDI-së, Ali Ahmeti pas takimit të liderëve tha se gjatë takimit është arritur marrëveshja që zgjedhjet e ardhshme parlamentare të mbahen më 12 prill të vitit 2020 dhe njëzëri nga të gjithë partitë është vulosur rrugëtimi euro-atlantik i vendit.

“Mund të them se ky është takimet më konstruktive që kam pasur deri më tani, të gjitha partitë politike thanë se alternative e jonë e vetme është Beshkimi Evropian. Kemi biseduar se për vendin tonë është me rëndësi që të bëhet ratifikimi i marrëveshjes për anëtarësim në NATO nga të gjitha vendet që akoma nuk e kanë ratifikuar. Gjithashtu pas ratifikimit edhe Parlamenti jonë të ratifikon si dhe të miratohet Ligji për Mbrojtjen, dhe deri sa u shterën gjitha argumentet vendosem bashkaarisht që 12 prilli të mbahen zgjedhjet. Me rëndësi është që zgjedhjet të jenë të pranueshme dhe demokratike, të lira sipas gjitha standardeve. Le të fitojë më i miri,” tha Ali Ahmeti.

Zijadin Sela: Na priftë e mbara!

Kryetari i Aleancës për Shqiptarët, Zijadin Sela, e bëri të qartë se u shty për 12 Prill për shkak të anëtarësimit të Maqedonisë së Veriut në NATO ndërsa këtë ditë e konsideron si një shans për rikthimin e shpresës tek të rinjtë, të cilët kohëve të fundit po braktisin e vendin.

“Ne ishim të vetmit që e zbukuruam këtë takim sepse ishim prezent bashkë më një zonjë. Ajo që tanimë është konfirmuar, më 12 prill shkojmë në zgjedhje, ne si parti ishim të gatshëm, por 12 prilli u zgjodh për arsye se deri atëherë presim anëtarësimin e vendit në NATO. Qytetarët më 12 prill kanë shans që ta kthejnë shpresën tek të rinjtë, të cilët kohëve të fundit po braktisin shtetin në pamundësi që të prosperojnë këtu”, tha Sela.