Lufta kundër korrupsionit, Ambasada amerikane: Kush janë 14 shqiptarët që u ndalohet përgjithmonë hyrja në SHBA…

Shtetet e Bashkuara të përkushtuara në luftën kundër korrupsionit dhe respektimin e sundimit të ligjit në mbarë botën, përmes Ambasadës në Tiranë sqarojnë përcaktimet publike për korrupsion madhor sipas Nenit 7031(c) të legjislacionit të SHBA, si përfundojnë dhe kush janë 14 shqiptarët që janë në mesin e 100 personave që u ndalohet përgjithmonë hyrja në Amerikë.

“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë,” thekson Ambasada e SHBA në Tiranë përmes rrjetit social Facebook duke shpjeguar përcaktimet publike për korrupsion madhor sipas Nenit 7031(c) të legjislacionit të Shteteve të Bashkuara.

“Kur Shtetet e Bashkuara mësojnë se një zyrtar qeveritar i huaj është përfshirë në korrupsion madhor, Sekretari i Shtetit ka autoritetin të shpallë individët dhe anëtarët e familjes së tij/saj të afërt si të skualifikuar përgjithmonë për të hyrë në Shtetet e Bashkuara.”