Janjiç: Kosova nuk është kusht i mjaftueshëm për hyrjen e Serbisë në BE

Me zgjidhjen e çështjes së Kosovës, dyert e BE nuk do të hapen automatikisht për Serbinë. Kështu shprehet  themeluesi i Forumit për Marrëdhënie Etnike në Beograd, tha Dushan Janjiç duke konstatuar se nuk është i saktë qëndrimi i Qeverisë në Serbi lidhur me anëtarësimin në Bashkimin Evropian.

“Një gjë e tillë nuk do të ndodhë pa zbatimin e kapitujve 23 dhe 24 për pakicat, të drejtat e njeriut dhe sundimin e së drejtës, me të cilët hapet dhe mbyllet procesi i anëtarësimit në BE”, tha Janjiç duke shtuar:

“Rekomandimi ynë për autoritetet është që të fillojnë të punojnë në rregullimin ligjor dhe të zbatojnë dispozitat mbi të drejtat e pakicave kombëtare nëse duan të hyjnë në BE.”

Ai e vuri në pyetje rekomandimin e Gjykatës Kushtetuese të Serbisë për të shfuqizuar vetëqeverisjen e pakicave dhe për të futur një sistem reciprociteti.

“Me këtë sistem, në parlamet do të ishin, për shembull, pesë kroatë, ndërsa boshnjakë aq sa kërkon presidenti i Turqisë, Erdogan “, tha Janjiç./RFE/