Së shpejti në BE, SHBA: Për Rusinë, Kinën dhe Iranin, Ballkani Perëndimor është një mjet…

E ngarkuara me punë e SHBA në Tiranë, Leyla Moses-Ones tha sot në Konferencën “Shtetet e Bashkuara të Amerikës në Ballkanin Perëndimor” se megjithë deklaratën e 18 tetorit për mos hapjen e negociatave, Shqipëria do të fitojë një vend në radhët e BE. Ndërsa për Rusinë, Kinën dhe Iranin, tha kryediplomatja amerikane në Tiranë, Ballkani Perëndimor është një burim nga i cili mund të shfrytëzohet dhe më pas mund të flaket tej.

“Shqipëria është një vend kandidat, kjo nuk ka ndryshuar, puna që duhet të bëhet nuk ka ndryshuar. Shqipëria do të fitojë një vend në radhët e BE-së duke dyfishuar përpjekjet përpjekjet për zbatimin e reformave të Drejtësi, luftën kundër korrupsionit dhe plagën e krimit të organizuar, duke zgjedhur vlerat, ligjin dhe begatinë për qytetarët.”

Shqipëria, tha Leyla Moses-Ones, jo vetëm që po punon shumë për reformën në drejtësi, por reforma zgjedhore është bërë projekt kombëtar.

“Drejtuesit e Shqipërisë kanë zgjedhur të bëjnë kompromis për hir të së mirës së përbashkët. Shqipëria ka përmbushur dhe respektuar angazhimet për Samitin e Uellsit, kontribuon me me shumë trupa për frymë se vendet evropiane dhe shqiptarët kanë dhënë jetën e tyre në shërbim të mbrojtjes sonë të përbashkët.”

Për Rusinë, Kinën dhe Iranin, tha ajo, Ballkani Perëndimor është një mjet për një qëllim:

“Ekzistojnë vende të tjera që kërkojnë rrugë më të lehta përpara. Shqyrtojini kërkesat e tyre përpara se ti pranoni ato, do të zbuloni që për Rusinë, Kinën dhe Iranin Ballkani Perëndimor është një mjet për një qëllim, një burim nga i cili mund të shfrytëzohet dhe më pas mund të flaket tej. Nuk ka asgjë idealiste në qëllimet e tyre.”

Ata gjithashtu kërkojnë të minojnë modelin perëndimor të vetëqeverisjes që çmon lirinë dhe zgjedhjen, tha E ngarkuara me punë e SHBA në Tiranë, me oligarkitë e korruptuara që janë të divorcuara nga interesi i njerëzve, të cilëve supozohet t’ju shërbejë qeveria.

“Kina ka vënë në zbatim diplomacinë shtrënguese të debitorit për blerë një ndikim që i pret fuqitë forcës ekonomike dhe dëmton autonominë politike të ashtuquajturve partnerëve të saj.

Kremlini këmbëngul që të mos eksportojë asgjë tjetër përveç kaosit ndërsa kërkon të rikuperojë humbjet nga Lufta e Ftohtë.

Irani ka shfrytëzuar praninë e tij diplomatike në Tiranë për të planifikuar shkatërrimin e kundërshtarëve të tij politikë duke kërkuar ti përgjigjet argumenteve të arsyes me burracakërinë e donatorëve të fshehur,” tha E ngarkuara me punë e SHBA në Tiranë, Leyla Moses-Ones, duke përfunduar:

“Shqipëria ja ka bërë të qartë Kinës se disa gjëra thjesht nuk janë për shitje. Shqipëria ka refuzuar makinacionet ruse dhe Shqipëria ka treguar se nuk do të tolerojë terroristë iranianë në tokën e saj. Shqipëria ka zgjedhur sërish dhe përsëri të mbajë qëndrime parimore.”