Aksident i rëndë/ Makina bie në kanal, 1 i vdekur dhe 2 të plagosur rëndë

Një aksident i rëndë ka ndodhur në Autostradën Fier-Lushnje te rrethrrotullimi i Kolonjës. Si pasojë ka humbur jetën një person dhe dy të tjerë ngelën të plagosur dhe janë në gjendje kritike.

Në vendin e ngjarjes janë forma të shumëta policie ndërkohë Grupi hetimor po punon për zbardhjen e shkaqeve të aksidentit.

Njoftimi i policisë:

Sot rreth orës 21:30, në aksin rrugor Lushnje–Fier,në vendin e quajtur “Rrethrrotullimi i Kolonjës”, mjeti tip “DAIMLER CHRYSLER”, ka dalë nga rruga dhe si pasojë kanë ngelur të dëmtuar tre shtetas të cilët ishin pasagjer në këtë mjet.

Pasi u dërguan në Spitalin e Lushnjes në gjendje të rëndë, një prej tyre ndërroi jetë dhe 2 të tjerët ndodhen në gjendje të rëndë nën kujdesin e mjekëve.

Grupi hetimor po punon për identifikimin e viktimës dhe 2 të dëmtuarve të tjerë dhe zbardhjen e plotë të rrethanave të ngjarjes.