Palmer i konfirmon Ahmetit mbështetjen e SHBA për Maqedoninë e Veriut
I dërguari i posaçëm i Departamentit amerikan të Shtetit për Ballkanin, Matthew Palmer, në takim me Kryetarin e BDI, Ali Ahmeti, tha se SHBA mbështesin tërësisht përpjekjet euroatlantike të Maqedonisë së Veriut dhe reformat në vend, në veçanti në sundimin e ligjit.
Ndërsa Ahmeti nga ana e tij theksoi që BDI është garantues i Marrëveshjes së Prespës, asaj të Ohrit dhe marrëveshjes për fqinjësi të mirë me Bulgarinë nga çka nuk ka kthim pas në asnjë rrethanë.
“Lideri i BDI-së Ahmeti falënderoi autoritetet amerikane për ndihmesën e madhe në përpjekjet tona për të marrë datë për fillim të negociatave me Bashkimin Evropian, por akoma më shumë për ecurinë e shkëlqyer të anëtarësimit tonë në NATO në muajt vijues.
Në takim u diskutua edhe për reformat e theksuara në kuadër të Bashkimit Demokratik për Integrim si dhe rreth zgjedhjeve të parakohshme parlamentare,” thekson BDI përmes në njoftimi.
Në takim me Kryetarin e Bashkimit Demokratik për Integrim, Ali Ahmeti, I dërguari i posaçëm i Departamentit amerikan të Shtetit për Ballkanin, Matthew Palmer ishte i shoqëruarn nga Drejtori për Ballkanin në Departamentin e Shtetit, Daniel Konstelancik dhe Ambasadoren e SHBA në Maqedoninë e Veriut, Kejt Burns.
