Shpërthen zjarri në tren, 65 të vdekur

Të paktën 65 persona kanë vdekur kur një tren pasagjerësh u përfshi nga zjarri në Pakistanin qendror. Ministri i Shëndetësisë së Pakistanit, Yasmin Rashid tha se nga incidenti u plagosën më shumë se 40 persona.

Autoritetet thonë se zjarri shpërtheu pasi disa nga pasagjerët ishin duke përgatitur mëngjesin në stufat e gazit që i kishin sjellë në bord të trenit, duke shkelur rregullat.

Trupat e ushtrisë, si dhe mjekët janë dërguar gjithashtu për të ndihmuar ekipet e shpëtimit në operacion.

Rrjeti hekurudhor i Pakistanit është në gjendje të keqe për shkak të investimeve të pakta dhe mirëmbajtjes së dobët.

Në muajin korrik njëmbëdhjetë pasagjerë kanë vdekur në një aksident hekurudhor, dhe katër të tjerë në muajin shtator, raporton Agjencia e lajmeve Reuters.