Shpend Maxhuni jep dorëheqjen nga kreu i AKI

Jep dorëheqjen Drejtori i AKI, Shpend Maxhuni. Duke bërë të ditur lajmin për dorëheqjen e Maxhunit përmes rrjetit social Facebook, Kryeministri i Kosovës, Ramush Haradinaj, tha se e ka pranuar dorëheqjen e tij dhe se e ka dekoruar Drejtorin e AKI me Medaljen e Skenderbeut.

“Kam pranuar dorëheqjen e Drejtorit të AKI-së, z. Shpend Maxhuni, nga funksioni i tij në krye të Inteligjencës kosovare. Z. Maxhunin e falënderova për bashkëpunimin profesional të deritashëm në mbrojtjen e sigurisë së vendit dhe popullit tonë. Për kontributin e tij në obligimet shtetërore dhe Institucionale e dekorova z. Maxhunin me Medaljen e Skenderbeut, me motivacionin për profesionalizëm dhe besnikëri në shërbim ndaj atdheut,” tha Ramush Haradinaj duke konstatuar se AKI është një ndër institucionet më profesionale dhe më kredibile në Kosovë dhe më gjerë.