Video/ Kjo është Serbia! Masakron 73 vjeçarin se “i ngacmoi” të dashurën
Ky nuk është vetëm një incident por edhe një alarm për të gjithë ata që vizitojnë Serbinë. Kujdes, kjo mund t’ju ndodhë edhe Juve, pa ngacmuar njeri. Dhe, asgjë nuk ndryshon nëse jeni në punën tuaj dhe në moshën e tretë. Kjo është arsyeja pse quhet Serbi!
“Ngacmuesi” 73 vjeçar
Shoferi i BMW, Marko Stevanoviç, i riu serb i cili dje tronditi Serbinë dhe jo vetëm, me videon ku shihet duke rrahur një të moshuar në biçikletë, është arrestuar sot në mëngjes.
Dje për mediat serbe ai kishte arsyetuar veprimin e tij duke sqaruar se e dashura e tij e kishte marrë në telefon duke i thënë se është një plak me biçikletë që po e ngacmon dhe po i thotë fjalë të pista.
“E dashura ime është me diabet, ka dalur për vrap. Në një moment më thirrë dhe më thotë se është një gjysh në biçikletë që i shkon prapa, i thotë kurvë, e kërcënon dhe e shanë. Më thirri, duke qajtë më rrëfen ngjarjen. Dola nga vetja, u ula në makinë dhe vajtja atje,” ka rrëfyer Stevanoviç duke shtuar se e ka takuar plakun në fjalë dhe i ka ardhur keq kur e ka pa se si e kishte bërë.
“Dola nga vetja, mu kujtua mami e cil para dy viteve u ngacmua nga dy djem dhe u munduan ta fusin në makinë. Mezi ka shpëtuar, dhe sot e kësaj dite përjeton stres,” është munduar të arsyetohet Stevanoviç por asgjë nga kjo nuk doli e vërtetë edhe pse tha se ka thirr ambulancën dhe është lajmëruar vetë në komisariatin e policisë
E la të shtrirë në mes të rrugës
Incidenti ka ndodhur mbrëmjen e së hënës, rreth orë 19 në rrugën e Shafarikit në qytetin e Stara Pazovës. Në videon e cila dje dhe sot përmbyti rrjetet sociale, shihet se si ndalohet 73 vjeçari Misha Oçovaj, nga një djalosh i cili del nga makina BMW dhe e grushton plakun e shkretë deri sa e lë në tokë pa ndjenja. Kthehet e shikon plakun se në çfarë gjendje është dhe largohet me të dashurën duke e lënë fatkeqin në mes të rrugës pa ndjenja.
Edhe pse kanë kaluar disa makina, ato nuk kanë ndaluar, dhe kohë më pas ka ardhur ambulanca e cila e ka dërguar Oçovajin në spital.
Ka menduar se e ka goditur makina
Pasi është mjekuar, 73 vjeçari ka rrëfyer për media ngjarjen nga ajo që kishte mbajtur në mend.
“Mora pensionin dhe u nisa drejtë shtëpisë. Isha me biçikletë. Ndjeva një goditje të fortë, mendova se pranë meje kaloi makina, më goditi dhe më hodhi në kanal. Mendova se iku nga vendi i ngjarjes. Vetëm kur pash filmimin, e kuptova se ai çuni më goditi dhe më rrëzoi në tokë,” ka rrëfyer Oçovaj i cili vazhdon të jetë me shenja të goditjeve të forta ndërkohë i pyetur për arsyet e sulmit, ai i habitur me rrëfimin e agresorit, ka shtuar:
“Nuk e di kush më ka goditur, si dhe pse. Po kthehesha në shtëpi, dhe nuk kam ngacmuar njeri. Po unë jam njeri i moshuar, jam 73 vjeç!” tha Oçovaj, i cili jeton me djalin në shtëpi dhe ka një vajzë të martuar jashtë shtetit.
