Pas takimit me Presidentin/ Në 320 gjykatës, Berisha: Vetëm mafiozi Ardian Dvorani shkel në mbledhjet e PS!
Pas takimit me Presidentin e Republikës, Ish-Presidenti Sali Berisha, tha se u diskutua gjerësisht për krizën madhore që mafia e Edi Ramës në përpjekjet e shpërfytyruara për të kapur të gjithë sistemin e drejtësisë krijoi edhe në organin që me ligj është garant i Kushtetutës së vendit. Ndërkohë akuzoi edhe kreun e KED të cilin Ilir Meta e kallëzoi penalisht, duke theksuar se ndër 320 gjykatës, në historinë 30 vjeçare të këtij vendi, vetëm mafiozi Ardian Dvorani ka shkelur në mbledhjet e Partisë Socialiste.
“Tani është një moment kyç dhe vendimtar, për çdo qytetar shqiptar, por duhet të theksoj këtu se ju mediat keni një rol jashtëzakonisht të rëndësishëm sepse me të drejtë ju keni lakuar më shumë se çdo gjë tjetër gjatë këtyre 4 viteve të paktën 20 herë më shumë reformën në drejtësi se sa integrimin në BE.
Është në detyrimin tuaj tu thoni të vërtetën shqiptarëve se si kjo reformë po sjell në mënyrë të neveritshme kapjen e saj nga mafia e narkoshtetit shqiptar.
Kush ka dyshimin më të vogël i rikujtoj se KLP e sotme kryesohet nga një individ, kunati i radar ndrikullës që është aty në kundërshtim me kushtetutën se ajo kërkon që të jetë magjistrat dhe është aty vetëm për ti shërbyer si skllav Edi Ramës.”
Për ata që dyshojnë në fjalët e tij, Ish-Presidenti i Republikës kishte vetëm një pyetje si për shqiptarë ashtu dhe të huaj:
“A mund të na thoni në 320 gjykatës, cili gjykatës në historinë 30 vjeçare të këtij vendi ka shkelur në mbledhjet partiake, të PS apo PD, ai është vetëm një, mafiozi Ardian Dvorani në mbledhjet e PS.
Ky gjykatës militant, është bllokuar reforma dy vite me radhë, integrimi se kush nuk voton një vend që s’ka Gjykatë të Lartë e Gjykatë Kushtetuese, kjo është barazi me zero shtet ligjor, ata që i vranë këtij vend e shkatërruan Gjykatën Kushteuese e lanë vendin pa shtet ligjor dhe ky është Rama. E mbajtën peng deri sa nxorën Dvoranin në krye.”
Sali Berisha tha me këtë rast se në KED janë paraqitur dhjetëra kandidatë, por janë zhdukur.
“Kapomafia ka shndërruar KED në një shpellë të vërtetë mafie. KED sjell në vend të 12 kandidaturave, sjell 4. Këta i ndajnë 3 nga 3 duke i përsërit në lista.
Nuk ka sjellje dhe përqeshje më të rëndë. Aty janë paraqitur me dhjetëra kandidatë dhe janë zhdukur të gjithë,” tha Berisha ndërsa foli dhe për akuzat e mazhorancës se Presidenti Meta kërkon të kapë gjykatën Kushtetuese.
“Kam dëgjuar në media, që thonë se shohin që Presidenti kërkon të kapë gjykatën se është vetë në gjykim. Lexoni Venecian. Në opinionin e tij të fundit shpall të kundërtën e kësaj. Parlamenti duke e vënë në hetim do bëjë gjithçka të kapë gjykatën për të realizuar qëllimin e tij. Mazhoranca po bën gjithçka të kapë Gjykatën Kushtetuese dhe presidenti po bën gjithçka të ruajë kushtetutshmërinë e saj.”
I pyetur nëse do të vepronte ngjashëm sikur Ilir Meta dhe a do ta shpërndante parlamentin Ish-Presidenti Sali Berisha u shprehë: “Ti servirësh shqiptarëve si parlament ndërkohë që kushtetuta e ka përcaktuar 140 deputetë, unë s’mund të them sikur të kisha qenë se s’më lejohet por ai parlament për mua e meritonte mbylljen, gozhdimin e dyerve që në shtatorin e vitit që shkoi.”
Ndryshe, takimi për 30 minuta i Presidentit të Republikës me Ish-Presidentin Sali Berisha u zhvillua në kuadër të turit të konsultimeve që Ilir Meta ka nisur për të diskutuar rreth situatës aktuale politike dhe të sigurisë të cilën Presidenti e ka vlerësuar DRAMATIKE!
