Toka nuk po qetësohet, sërish lëkundje të forta. Panik në Tiranë dhe Durrës…

Lëkundjet e forta të tokës kanë vazhduar edhe dy ditë pas tërmetit tragjik, ku në harkun kohor prej 30 minutash janë regjistruar tre tërmete, nga ai me magnidutë 3.3 deri te i treti me magnitudë 5.1 të shkallës Rihter që ra në orën 11:52 dhe shkaktoi shumë panik në Tiranë dhe Durrës.

Sipas Qendrës Mesdhetare Sizmologjike, EMSC, tërmeti me magnitudë 5.1 të shkallës Rihter me thellësi 2 km, ra në orën 11:52 25 km nga Durrësi dhe 48 km nga Tirana.

Ndërkohë në orën 11:25 EMSC ka regjistruar një tërmet me magnitudë 4.0 dhe thellësi 10 km, 14 km nga Shijaku dhe 34 km nga Tirana

Pas një nate realtivisht të qetë ku janë shënuar 8 tërmete por më i fuqishmi ishte ai i orës 01:50 me magnitudë 4.0 të shkallës Rihter, seria e tërmeteve filloi në orën 11:22, ku EMSC regjistron tërmetin me magnitudë 3.3 të shkallës Rihter, thellësi 10 km, 35 km nga Durrësi dhe 59 km nga Tirana.