Tërmeti tragjik/ 51 viktima, Ministria e Mbrojtjes: 47 u nxorën nga rrënojat, ja si humbën jetën të tjerët…

Bilanci i tërmetit tragjik mesditën e sotme u thellua me humbjen e vajzës 20 vjeçare, Xhesika Biqiku e cila ishte në gjendje të rëndë në Spitalin e Traumës në Tiranë, duk e çuar kështu në 51 numrin e viktimave.

Ministria e Mbrojtjes ka publikuar sot edhe të dhënat e fundit lidhur me viktimat e tërmetit të 26 Nëntorit, ku 47 persona janë nxjerre nga rrënojat, 1 humbi jetën si pasojë e aksidentit pas dëmtimit nga tërmeti, 1 u hodh nga lartësia për shkak të panikut dhe 1 person pësoi infarkt pas goditjeve.

Zyrtarisht, operacioni i kërkim shpëtimit në zonat Durrës e Thumanë, si më të dëmtuarat nga tërmeti ka përfunduar.

Ndërkohë Ministria e Mbrojtjes bënë të ditur se për 3 ditë u nxorrën nga rrënojat 50 viktima, përmes operacionit ku morën pjesë rreth 250 efektivë të kërkim-shpëtimit nga Shqipëria, Kosova, Italia, Greqia, Mali i Zi, Serbia, Kroacia, Franca, Turqia, Zvicra, Rumania, Maqedonia e Veriut, BE, Shtetet e Bashkuara të Amerikës etj ndërsa vazhdojnë saktësimet e fundit të gjeneraliteteve të viktimave përmes familjarëve të tyre për të dalë më pas me listën përfundimtare emërore.

Lidhur me kërkimet e fundit në Mira Mare, bëhet e ditur se nuk është gjetur asnjë trup. Pas kërkim shpëtimit në terren, ekspertët shqiptar dhe vendas nisin punën për verifikimet e dëmeve në terren. 

Raporti i Ministris së Shëndetësisë

 Ministria e Shëndetësisë ka paraqitur të dhënat e fundit për të lënduarit e tërmetit. Mësohet se gjatë 24 orëve të fundit në Spitalin e Traumës janë paraqitur 13 qytetarë me lëndime të lehta dhe aktualisht 34 pacientë janë të shtruar në këtë spital si pasojë e lëndimeve nga tërmeti.

Në raportin e saj, Ministria e Shëndetësisë bën të ditur se gjendja e të lënduarve paraqitet e mirë ndërsa tre pacientë janë transferuar në Itali për një trajtim më të specializuar. Në spitalin e Durrësit aktualisht po marrin trajtim vetëm tre pacientë, në gjendje të stabilizuar.

Janë 913 të lënduar si pasojë e tërmetit që kanë marrë trajtim në spitale.

Përpos qytetarëve që po marrin trajtim në spitale, janë rreth 1.500 vizita mjekësore të kryera për banorët e prekur nga tërmeti në qendrat shëndetësore 24/7 të hapura pranë zonave të prekura. Ndërsa mbi 700 persona kanë marrë shërbimin mjekësor pranë kampit të emergjencës në Thumanë dhe pikave të ngritur në Durrës. Me ekipet e ngritura në terren është siguruar pajisja me medikamente për të sëmurët kronikë.

Të gjitha spitalet dhe qendrat shëndetësore pranë zonave të prekura nga tërmeti vijojnë të jenë në gatishmëri të përforcuar.

DURRËS
1. SHEMSEDIN SHUKRI ABAZI 08.07.1987, DURRES
2. DIENA AJET KARANXHAJ 07.10.1989, DURRES
3. ERIVOLA BAJRAM BROSHKA 20.05.1991, DURRES
4. BAJRAM ZEQIR HAJDARAMATAJ 30.07.1963, DURRES
5. AMELIA ALBERT LALA 21.05.2009, DURRES
6. KRISTI EDUART RECI 17.08.1994, DURRES
7. ESIELA DORJAN KARANXHA 10.01.2011, DURRES
8. EDUARD NDUE RECI 09.09.1965, DURRES
9. SADIK HAMIT QATO 14.09.1934, DURRES
10. KLAUS EDUART RECI 06.05.1988, DURRES
11. DOLORA PERILI RECI 06.01.1970, DURRES
12. SABAHETE HALIL LALA 04.02.1940, DURRES
13. GRISILDA SHKELQIM LALA 15.06.2000, DURRES
14. DIONISA ALBERT LALA 30.01.2018, DURRES
15. ENIS ALBERT LALA 30.01.2018, DURRES
16. EMILJO ALBERT LALA 28.06.2013, DURRES
17. MARJETA ISUF LALA 08.10.1988, DURRES
18. ILIR RAM LALA 20.11.1966, DURRES
19. ISAH SHUKRI ABAZI 30.11.1990, DURRES
20. ROZETA THANAS MECJA 31.08.1960, DURRES
21. SOTIRAQ VANGJEL MISHA 30.07.1964, DURRES
22. NAFIJE HAZIZ REXHEPI 30.09.1945, DURRES
23. FLATAR ZENELAJ 1955, DURRËS

24. XHULJETA SKENDER GJANA 20.05.1959, DURRES

THUMANE 
1. BUKURIE ISLAM LEKA, 03.03.1939, THUMANE
2. FATMIRA QAZIM CARA, 07.07.1966, THUMANE
3. ERISA CARA, 28 VJEC, THUMANE
4. HASAN ALBERT CARA, 15.12.2001, THUMANE
5. FATMIRA CUKA, 44 VJEC, THUMANE
6. SARDI CUKA, 19 VJEC, THUMANE
7. SELVI DYLE LALA, 27.07.1945, THUMANE
8. ARJELA ROLAND LALA, 15.10.2014, THUMANE
9. HAJRIE MUSTAFA VATA, 64 VJEC, THUMANE
10. KRISTIAN MARJAN PRECI, 02.08.1994, THUMANE
11. SAIMIR PELLUMB GREGU, 31.09.1988, THUMANE
12. LUTFIE XHAFER CUPI, 20.10.1961, THUMANE
13. KLEMENT HAJREDIN CUPI, 28.04.1985, THUMANE
14. DRITA KASTRIOT CAKONI, 10.10.2004, THUMANE
15. SADAJANA BASHKIM HYSA, 08.06.1998, THUMANE
16. ALMIR ALBERT CARA, 22.02.1990, THUMANE
17. ROLEJDI SERVET VATA, 18.10.2012, THUMANE
18. PELLUMB SAMI GREKU, 09.12.1962, THUMANE
19. CELIKE NEVRUZ GREKU, 31.08.1962, THUMANE
20. HAJREDIN AHMET CUPI, 21.02.1953, THUMANE
21. ELIOS GEGA, THUMANE
22. ADERINA HASAN KADILI, 08.06.1998, THUMANE
23. ANTHI ILIA CARA, 02.02.1947, THUMANE
24. ERSID AFRIM HOXHOLLI, 22.06.1987, MAMURRAS
25. KASTRIOT QAZIM CAKONI, 31.08.1973, THUMANE
26. DIASTELA ISMAIL STENECI, 14.05.1994, THUMANE

TIRANË
1. Xhesika Biqiku