Nepsi bën të vetën! Modelja shtatzënë kërkon ushqim shqiptar në mes të Los Angeles

Shijet aspak të zakonta gjatë muajve të shtatzënisë janë diçka e pritshme. Por ndonjëherë për shkak të stinës apo vendit ku mund të ndodhemi, realizimi i këtyre “dëshirave” mund të jetë pak i vështirë.
Në një situatë të tillë është gjendur edhe modelja Emina Çunmulaj, e cila pak kohë më parë me anë të një postimi në “Instagram”, dha lajmin e bukur se është në pritje të fëmijës së saj të dytë.
Gjatë kësaj periudhe, modelja e njohur shqiptare që jeton në SHBA nuk i ka rralluar aspak postimet në rrjete sociale siç ndodh me personazhet e tjerë, përkundrazi çdo ditë poston foto me barkun e rrumbullakosur.

Por me sa duket modelja gjatë kësaj shtatzënie ka neps për ushqime të ndryshme. Kjo pasi ditën e djeshme Emina kërkonte me ngulm ushqim tradicional shqiptar.
Ajo ka postuar një video në Instastory ku shfaqet e mërzitur pasi ajo jeton në Los Angeles dhe është e vështirë që të gjejë ushqim tradicional shqiptar.
“Sot dua ushqim tradicional shqiptar, në fakt e dua çdo ditë por sot e dua shumë, kështu që nëse njihni dikë në Los Angeles që gatuan ushqim shqiptar më çoni mesazh”, shkruan modelja shqiptare.